SALM 11:2 - Lai (Hakha) Common Language Bible 2006

² zeicahtiah miṭhalo nih an likuk kha an i hruai i muihnak i a ummi miṭha kha kah awkah an cantiang cu an i tinh.

Laibaibal Thiang (BSI)

² Zeitintiah zohhmanh, misuaksual hna nih likuk an kuaih i lungthin a dikmi hna a thlite in kah awk ah an hri ah an thal an chiah diam cang.

SALM 11:2 ပူးပေါင်းရင်းမြစ်များ

SALM 10:2

Miṭhalo cu an ruam a kai i misifak kha an hrem hna; anmah nih an chiahmi rap ah khan i foih hna seh.

SALM 125:4

Bawipa, ṭhatnak a tuahmi hna cungah ṭhatnak tuah ve ko, na nawl a ngaimi hna cungah ṭhatnak tuah ko.

SALM 142:3

Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

SALM 21:12

A thal in a kah hna lai i an i mer lai i an thi lai.

SALM 32:11

Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

SALM 37:14

Miṭhalo nih cun an nam kha an i zuh i an likuk kha an i hruai i sifak le retheimi kha thah le miṭha mi nawn kha an duh;

SALM 64:10

Bawipa nih a tuahmi thil ruangah khan miding mi vialte cu an i lawm lai; Bawipa chungah cun himnak an hmuh lai i miṭha vialte nih amah cu an thangṭhat lai.

SALM 7:10

A ka hupphengtu cu Pathian a si, amah nawl a ngaimi cu a khamh hna.

SALM 7:12

Mi cu an i ngaihchih lo ahcun Pathian nih a nam aa tat lai. A likuk kha aa hruai i kah colh dingin aa tim;

SALM 94:15

Biaceihnak hmun ah dinnak kha a um ṭhan lai i miding paohpaoh nih an zulh lai.

SALM 97:11

Ceunak cu miding mi hna cungah khan a tlang i lunglawmhnak cu miṭha mi hna cungah khan a tlang.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

MATTHAI 26:4

a thli tein Jesuh kha tlaih i thah ding kha khua an khang.

1 SAMUEL 18:21

Saul nih, “Amah cu a caah rap a si nakhnga le Filistin mi hna kut cu amah dotu a si nakhnga, amah cu pe ning,” tiah a ruah. Cucaah Saul nih David cu a voi hnihnak a chimh i, “Atu cu ka tupa na si lai,” tiah a ti.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.