SALM 11:1 - Lai (Hakha) Common Language Bible 2006

¹ Ka himnak dingah Bawipa cu kaa bochan. Nang nih naa thawh i, “Va bantukin tlang ah zuang tuah,

Laibaibal Thiang (BSI)

¹ BAWIPA ah ka zumhnâk ka chuan; zeitindah ka nunnâk sinah, “Na tlâng cungah vate bangin zâm,” na ti khawh?

SALM 11:1 ပူးပေါင်းရင်းမြစ်များ

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 16:8

Ethiopia mi hna le Libia mi hna kha ralkapbu ngan ngaingai, rangleng tam hringhran le rangcung ralkap tam hringhran he a ummi an si lo maw? Asinain, Bawipa kha naa bochan caah annih cu na kut chungah amah nih an pek hna.

NEHEMIAH 6:11

Sihmanhsehlaw kei nih ka thawh i, “Keimah bantuk hi a zam ding maw ka si hnga? Keimah bantuk hi biakinn chungah lut in nun khawh a si hnga maw? Ka lut hrimhrim lai lo,” tiah ka ti.

SALM 16:1

Maw Pathian, nangmah cu kan fuh ko, ka huppheng ko sawh.

SALM 25:2

Sungh ningzahnak chung khan ka khamh law ka ral cu ka cungah an di riamhter hna hlah.

SALM 31:14

Sihmanhsehlaw kaa bochanmi cu nangmah na si, maw Bawipa; nangmah cu ka Pathian na si.

SALM 56:11

Amah cu kaa bochan i ka thin a phang lo, minung menmen nih cun zeidah an ka ti khawh lai?

SALM 7:1

Maw Bawipa ka Pathian, nangmah cu ka himnak na si; a ka dawitu vialte hna sin hin ka khamh law ka chanh tuah.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

PHUNGTHLÛKBIA 6:5

Sakap kut chungin sazuk a luat bantuk le mihriam kut chungin vate a luat bantukin nangmah kha i khamh tuah.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

LUKA 13:31

Cu lioah cun Farasi mi tlawmpal kha Jesuh sinah khan an ra i, “Herod nih thah an duh caah hika hin na chuah a hau,” tiah an chimh.

1 SAMUEL 19:11

Cu zan ah cun Saul nih David inn ah khan zinglei ah a thah khawh nakhnga amah kha bawh awkah mi a thlah hna. Sihmanhsehlaw David nupi Mikhal nih, “Tuzan ah hin na nunnak naa khamh lo ahcun, thaizing ah cun thah na si lai,” tiah a chimh.

1 SAMUEL 20:38

Cun Jonathan nih tlangvalpa cu a hei auh i, “Khulrang in i namhnawh, um hlah,” tiah a ti. Cucaah Jonathan tlangvalpa nih khan thal kha a char zokzok hna i a bawipa sinah khan a ra.

1 SAMUEL 22:3

Cun David cu khika in Moab ram Mizpah khua ah a kal; cun Moab siangpahrang sinah cun, “Ka pa le ka nu cu, Pathian nih keimah caah zeidah a tuah lai, ti kha ka hngalh hlantiang, na sinah um hna seh, tiah kan nawl,” tiah a ti.

1 SAMUEL 23:14

Cun David cu ramlak i ralhruang chungah khan a um, Zif Ramlak tlangram ah khan. Cun Saul nih ni fate in a kawl, sihmanhsehlaw Pathian nih amah kha a kut chungah a pe lo.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.