SALM 109:4 - Lai (Hakha) Common Language Bible 2006

⁴ Ka daw ko hna na le an caah thla ka cam ko nain an ka doh.

Laibaibal Thiang (BSI)

⁴ Ka dawtmi hna kha keimah ralchanhtu dingah an i mer, asinain thlacamnâk ah kâ pe.

SALM 109:4 ပူးပေါင်းရင်းမြစ်များ

2 SAMUEL 13:39

Cun Siangpahrang David cu Absalom kha a ngai hringhran; zeitintiah Amnon kha cu a thi cang ko cu ta, tiin a kong ah khan aa lungsak cang.

1 CHANRELNAK 19:4

Cucaah Hanun nih David sinum hna cu an khahmul a meh hna i an khelbo zawn ah an puan cu a laifang in a tan hna i a kalter hna i an kal.

SALM 35:12

Ṭhatnak cu chiatnak in an ka lehrulh i ka hnabei a dong cikcek.

SALM 35:7

Sullam zeihmanh um loin keimah foihnak ding caah rap an chiah i keimah tlaknak ding caah khor thukpi an cawh.

SALM 38:20

Ahmaanmi thil kha tuah kaa zuam caah ṭhatnak cu chiatnak in a lehrulmi pawl nih khan an ka doh.

PHUNGTHLÛKBIA 17:13

Mi nih ṭhatnak cu ṭhat lonak in a lehrulh ahcun, ṭhat lonak cu a inn chungin aa ṭhial bal lai lo.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

JOHAN 10:32

Annih kha Jesuh nih cun a thawh hna i, “Ka Pa nih a ka fialmi thil ṭha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

2 KORIN 12:15

Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?