SALM 108:11 - Lai (Hakha) Common Language Bible 2006

¹¹ Na kan hlawt taktak ko cang maw? Kan ralkap cu na kalpi ti hna lai lo maw?

Laibaibal Thiang (BSI)

¹¹ Maw, Pathian nangmah hi na si lo maw, hnu lei a kan chittu hi. Maw, Pathian, kan ralkap hna lakah nâ tel fawn lo.

SALM 108:11 ပူးပေါင်းရင်းမြစ်များ

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

SALM 44:9

Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

NAMBAR 10:9

Cun nannih an hremtu hna nan ral he nan ram chung i nan i doh tikah muko cun ralrinnak nan tum lai, Bawipa nan Pathian hmaiah hngalh nan si camcin i nan ral hna sinin khamh nan si nakhnga.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.