SALM 103:6 - Lai (Hakha) Common Language Bible 2006

⁶ Hremnak a ingmi kha biaceih tikah Bawipa nih a ṭanh hna i an hmuh awk hnga a simi kha a pek hna.

Laibaibal Thiang (BSI)

⁶ BAWIPA nih dinnâk kha a dirter i lamhchihmi vialte kha diknâk in bia a ceih hna.

SALM 103:6 ပူးပေါင်းရင်းမြစ်များ

SALM 109:31

zeicahtiah sifakmi a chanhtu hna cu amah a si i thah awkin an bia a ceihtu hna kut chungin a chuahtu hna cu amah a si.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 146:7

A biakam kha a tlolh bal lo; hremmi hna ṭanh in bia kha a ceih i rawl a ṭammi kha rawl a pek hna. Bawipa nih thongtla kha a luatter hna i

SALM 35:10

Ka lungthin dihlak in Bawipa cu ka thawh lai i, “Nangmah bantuk ahohmanh an um lo! A dermi kha a ṭhawngmi hna kut chungin na huhphenh hna i sifakmi le retheimi kha mi hrem mi hrem hmangmi hna kut chungin na khamh hna,” ka ti lai.

SALM 72:12

Amah a autu sifakmi hna le retheimi hna, mi nih zei ah an rel lomi hna kha, a chanh hna.

SALM 72:4

Siangpahrang nih khan sifakmi kha an bia duhdanh lo tein ceihpiak hna seh law retheimi kha bawm hna seh law mi hremtu kha tei hna seh.

SALM 9:9

Hremnak a ingmi hna caah Bawipa cu himnak hmun a si i harnak caan ah ralhruang fek a si.

PHUNGTHLÛKBIA 14:31

Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

PHUNGTHLÛKBIA 23:10

Hlanlio ramri tung kha ṭhial hna hlah, Ngakṭah kha an lo chut hna hlah;

EZEKIEL 22:7

mi nih an nu le an pa hna kha an serhsat hna, ramdangmi kha an hrem hna i ngakṭah le nuhmei kha an rial hna.

LUKA 14:22

Cun tlawmpal ah khin a sinum nih cun a thawh i, ‘Bawipa, na nawl bangin tuah a si cang, sihmanhsehlaw hmun a lawng ko rih,’ tiah a ti.

JEIM 2:6

Asinain nannih nih cun sifakmi cu nan zawmhtaih hna. Ahodah hremnak an petu hna le biaceihtu hmaiah an chuahpi tawntu hna kha an si? Mirummi an si lo maw?