SALM 101:8 - Lai (Hakha) Common Language Bible 2006

⁸ Ni khat hnu ni khat in miṭhalo cu ka daihter hna lai i Ṭhat lonak a tuahtu vialte cu Bawipa khuapi chungin ka dawi dih hna lai.

Laibaibal Thiang (BSI)

⁸ Ram chung miṭhalo hna cu tuanah ka hrawh hna lai, BAWIPA khualipi chungin Ṭhatlonâk tuahtu vialte kha ka hrawh khawh hna nâkhnga.

SALM 101:8 ပူးပေါင်းရင်းမြစ်များ

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

SALM 48:2

Pathian tlang Zion cu a sang i aa dawh; a liannganmi siangpahrang khuapi nih vawlei cung vialte kha lawmhnak a pek hna.

SALM 48:8

Lianngan Bik Bawipa kan Pathian khualipi chungah, Pathian nih a tuahmi thil cu a theih in kan rak theih. asinain atu cu a hmuh in kan hmuh cang; khuapi cu him tein a zohkhenh zungzal lai.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

PHUNGTHLÛKBIA 16:12

Siangpahrang caah cun ṭhat lonak tuah hi fihnung a si, zeicahtiah bawi ṭhutdan cu dinnak in fehter a si.

PHUNGTHLÛKBIA 20:26

Siangpahrang fim nih cun miṭhalo kha a hngalh hna i zaangfahnak ngei loin dan a tat hna.

PHUNGTHLÛKBIA 20:8

Biaceihnak ṭhutdan cungah a ṭhumi siangpahrang nih cun ṭhat lonak vialte kha a thleidan khawh dih.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.