SALM 10:4 - Lai (Hakha) Common Language Bible 2006

⁴ A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

Laibaibal Thiang (BSI)

⁴ Misuaksual nih a ruamkainâk mithmai in Pathian kha a kawl lo; a ruahnâk chungah Pathian kha â tlum lo.

SALM 10:4 ပူးပေါင်းရင်းမြစ်များ

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

JOB 22:17

Hi hna nih hin Pathian cu an thawh i, ‘Kanmah tein um ko u sih, Lianngan Bik nih cun kan cungah zeidah a tuah khawh lai?’ an ti.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

SALM 18:27

Mi toiah aa dormi cu na khamh hna i miruamkai cu na ṭhumh hna.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 36:1

Sualnak nih miṭhalo cu a lungchung thukpi ah bia a chimh i Pathian kha a hlawt i a ṭih lo.

SALM 53:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah, ahmaanmi thil a tuahmi ahohmanh an um lo.

SALM 73:11

An i thawh i, “Pathian nih cun a hngal lai lo, Cungnung Bik nih cun a hmu lem lai lo,” an ti.

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

PHUNGTHLÛKBIA 21:4

Miṭhalo cu ruamkainak le porhlawtnak nih a uk hna i hihi sual a si.

PHUNGTHLÛKBIA 30:13

A ṭha hringhran i aa ruatmi zong an um, aize, a ṭha tuk hringhran ah khin pei an i ruah cu!

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

PHUNGTHLÛKBIA 6:17

Porhlawtnak mit, lihchim hmangmi lei, a sual lomi thisen chuahtu kut,

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

ISAIAH 65:2

Anmah duhnak lei paoh ah a kal i ṭhat lonak a tuah peng tu hna hi, ka za ka chanh zungzal ko hna.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.