SALM 10:3 - Lai (Hakha) Common Language Bible 2006

³ Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

Laibaibal Thiang (BSI)

³ Zeitintiah misuaksual nih a lungthin duhmi hmanh kha an i porhlawt pi; BAWIPA hlawt in hakkaumi thluachuah an pêk hna.

SALM 10:3 ပူးပေါင်းရင်းမြစ်များ

1 SIANGPAHRANG 20:25

cun na rak sunghmi ralkapbu bantuk kha, rang can ah rang, rangleng can ah rangleng in pum ṭhan hna; cun rawn ah kan doh hna lai i annih nakin kan ṭhawng deuh hrimhrim lai,” tiah an ti. Cun an bia cu a ngaih i cu bangin a tuah.

JOB 31:24

Rumnak kha kaa bochan bal lo i, thilri in ka rumnak ah uarthlarnak zong ka ngei lo.

SALM 35:21

Annih nih an au i, “Na tuahmi kha kan hmuh,” an ti.

SALM 49:18

Hi vawleicung a nun chungah hin saduhthah in nung kho hmanh seh law khua awng a ton ruangah thangṭhatnak hmu hmanh seh law

SALM 5:6

Lihchim mi cu na hrawh dih hna i mipuarhrang le mihlenhmang cu na nautat hna.

SALM 52:1

Mi liannganpa, zeicahdah ṭhat lonak na tuahmi cu naa porhlawt? Pathian dawtnak cu a fek ko.

SALM 94:4

Zei can dah ṭhat lonak a tuahtu pawl hi ruamkai in an um rih lai i sualnak an tuahmi kha an i porhlawt rih lai?

EXODUS 15:9

Ral nih khan an i thawh i, ‘Kan dawi hna lai, kan tlaih hna lai; an chawva cu kan i ṭhen lai i kan duhmi paoh kha kan i lak lai. Kan vainam kha kan i chuah lai i an ngeihmi thil vialte kha kanmah ṭhawnnak thawngin kan chuh hna lai,’ an ti.

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.

PHUNGCHIMTU 7:15

Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a ṭhalo ko nain a chan a sau.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 57:17

An sual ruang le an duhfah ruangah an cungah ka thin a rak hung, cucaah cun ka thinhun in dan ka tat hna i ka kaltak hna. Sihmanhsehlaw an lung a hak i anmah kalning ṭhiamṭhiam khan an kal.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

LEVITIKAS 26:30

Nan khuahrum bo cu ka hrawh hna lai i nan zihmui biakṭheng cu ka hau dih hna lai i nan ruak cu nan siasal hna ruak cungah ka hlonh hna lai i ka nunnak nih an huat hna lai.

HABAKKUK 2:9

Rawk ding nan si ko cang! Hranhram in mi nan va chuhmi hna thil khan nan innchungkhar nan rumter i harnak le ṭihnung nih phak khawh lo dingin him tein nan tuah!

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

DEUTERONOMI 32:19

“Bawipa nih a hmuh i a hlawt hna, A fapa hna le a fanu hna nih a thin an phawh caah,

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

JEIM 4:13

“Nihin ah maw thaizing ah dik khual kan tlawng lai i khika ah kum khat kum hnih tluk kan um lai i chaw kan tuah lai i tangka tampi kan hmu lai,” tiah a timi hna, ka bia hi ngai tuah u.

JEIM 4:16

Sihmanhsehlaw na lung a puam i naa porhlaw; cu bantuk porhlawtnak vialte cu ahmaan lomi thil a si.

1JOHAN 2:15

Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.

BIACEIHTU 17:2

Cun amah nih a nu sinah, “Ngun phar thong khat le za khat an in lakpiak i cu kong i chiat na ser i ka hna theih ah na chimmi kha, zohhmanh, ngun kha ka sinah a um ko; keimah nih ka lak,” tiah a ti. Cun a nu nih, “Ka fapa cu Bawipa nih thluachuah pe ko seh,” tiah a ti.

1 SAMUEL 23:21

Cun Saul nih, “Bawipa nih thluachuah in pe ko hna seh; zeitintiah keimah cungah zaangfahnak nan ngei.