SALM 10:16 - Lai (Hakha) Common Language Bible 2006

¹⁶ Bawipa cu zungzal in zungzal tiang siangpahrang a si i a ram chung hin lawkihmi cu an lo lai.

Laibaibal Thiang (BSI)

¹⁶ BAWIPA cu zungzal in zungzal tiang Siangpahrang a si; a ram chungin miphun hna cu an lo tlau dih.

SALM 10:16 ပူးပေါင်းရင်းမြစ်များ

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

SALM 145:13

Na pennak cu zungzal in a hmun lai i nangmah cu zungzal in siangpahrang na si lai. Pathian nih cun biakamnak a tuahmi kha zumhawktlak tein a zulh i a tuahmi thil paoh kha an ṭha dih.

SALM 146:10

Bawipa cu zungzal in siangpahrang a si ko lai! Zion, na Pathian cu zungzal in uktu a si lai. Bawipa cu thangṭhat u!

SALM 29:10

Rili thuk pipi kha Bawipa nih a uk hna, siangpahrang bantukin zungzal in a uk hna.

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

SALM 9:15

Lawkihmi nih khor an cawh i anmah an tla; rap an chiah i anmah an i foih.

SALM 9:5

Lawkihmi kha sual na phawt hna i miṭhalo kha na hrawh hna, annih cu hngalh ṭhan, ti a um ti lai lo.

SALM 9:8

Dinnak in vawlei kha a uk i biading in mi kha an bia a ceih hna.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

EXODUS 15:18

Bawipa cu zungzal in zungzal tiang siangpahrang a si lai,” an ti.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

ṬAHNAK HLA 5:19

Maw Bawipa, nangmah cu zungzal in bawi na si ko, Na bawi ṭhutdan cu chan khat hnu chan khat a hmun.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 6:26

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

DEUTERONOMI 8:20

Nan hmaiah Bawipa nih miphun a rawkter hna bangin Bawipa nan Pathian aw cu nan ngaih duh lo ahcun, cu bangin nan rawk ve lai.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.