SALM 10:14 - Lai (Hakha) Common Language Bible 2006

¹⁴ Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

Laibaibal Thiang (BSI)

¹⁴ Asinain lungfahnâk le buainâk cu na rak hlathlai i na kut i lehrulh dingah na rak hmuh cang; santlai lomi kha na sinah an i pe, nangmah cu pa ngei lomi bawmtu na si.

SALM 10:14 ပူးပေါင်းရင်းမြစ်များ

GENESIS 21:17

Pathian nih ngakchiapa a ṭah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na lungre a theih? Na thinphang hlah. Pathian nih ngakchiapa a ṭah kha a theih cang.

GENESIS 31:12

Cun, ‘Zohhmanh, a kaihtu hna mehehtum vialte khi a ṭial le ṭial hrawl in a ṭialmi le a deh in aa dehmi an si khih. Hi bantukin thil ka siternak cu Laban nih na cung i a tuahmi vialte kha ka hmuh caah a si.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 9:26

‘Nizan ah Naboth thisen le a fapa hna thisen ka hmuh hrimhrim bantuk khan, nangmah cu hi hmun ah hin teirul kan cham lai,’ ti in Bawipa nih a ti kha. Cucaah hlawm law kha hmun vawlei ah khan hlonh tuah, Bawipa bia bang khan,” tiah a ti.

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, “Bawipa nih hmu seh law phuhlam ko seh,” tiah a ti.

2 CHANRELNAK 6:23

khi tikah nang nih van khin run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ningin pek awkah thiam coter ko.

SALM 146:9

Hi ram chungah a ummi ramdangmi kha a huhphenh hna; nuhmei le ngakṭah kha a bawmh hna, sihmanhsehlaw miṭhalo pawl khuakhannak cu a hrawh.

SALM 22:11

Hung ka hlaat sawh hlah! Harnak nih a ka naih i a ka bawmtu ahohmanh an um lo.

SALM 31:8

Ka ral hna kut chungah na ka phakter lo, himte tu in na ka zohkhenh.

SALM 35:22

Sihmanhsehlaw Bawipa, nangmah nih hihi cu na hmuh cangmi a si. Cucaah dai tein um hlah, Maw Bawipa; lamhlatpi ah um sawh hlah.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.

SALM 68:6

Lungleng le umhar in a ummi kha umnak inn a pek hna i thongtla kha luatnak lawmhnak chungah a chuahpi hna; sihmanhsehlaw ralthawh hmangmi cu ramcar ah an um lai.

EXODUS 2:25

Israel mi sal an sinak kha a hmuh i annih sinah khan aa hngalhter.

EXODUS 22:22

Nuhmei le ngakṭah kha zawmtai hna hlah u,

EXODUS 22:26

Biakamnak caah tiin a puan kha nan lakpiak ahcun nitlak hlanah nan pek ṭhan lai,

PHUNGTHLÛKBIA 15:25

Bawipa nih aa porhlawmi inn cu a ṭheh, sihmanhsehlaw nuhmei thilri kha a humhak hna.

PHUNGTHLÛKBIA 15:3

Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

ISAIAH 10:3

Pathian nih dan an tat hna tikah zeitindik nan i tuah lai? Bawmhnak kha khuazei ah dah nan tlikhnawh lai? Khuazei dah nan chawva kha nan thuh hna lai?

JEREMIAH 16:17

Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

JEREMIAH 49:11

Ngakṭah na fale cu ka sinah kaltak hna law keimah nih nungdam tein ka zohkhenh hna lai; Na nuhmei hna nih keimah cu ka hngal ṭhan hna seh, a ti.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

ṬAHNAK HLA 3:59

Maw Bawipa, nangmah nih ka cung i dinlonak an tuahmi cu na hmuh i Keimah lei ca ṭha in biakhiahnak kha na tuah;

ṬAHNAK HLA 3:60

Phuhlam an duhnak le Keimah cung i rawinak an tuahmi vialte cu na hmuh dih.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

HOSEA 14:4

An zuanzamnak hi keimah nih ka damter lai i Ka lung chung taktak in ka dawt hna lai; An cung i ka thinhunnak cu a dam cang.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.