SALM 1:1 - Lai (Hakha) Common Language Bible 2006

¹ Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

Laibaibal Thiang (BSI)

¹ Pathian-zeiaharellomi hna khuakhân nâkah a kal lo i misual hna lamah a dir lo i nihsawhtu hna ṭhutdan ah a ṭhu lomi cu mithluachuak a si;

SALM 1:1 ပူးပေါင်းရင်းမြစ်များ

GENESIS 49:6

An biathli ah khan kaa tel duh lai lo, an i pumhnak ah khan ka um duh lai lo, zeicahtiah an thin a hun tikah mi kha an thah hna i siamsaknak men ah cawtum kha an tha an pheh hna.

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

1 SIANGPAHRANG 16:31

Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

2 CHANRELNAK 22:3

Amah zong cu Ahab innchungkhar lam kha a zul ve, zeicahtiah ṭhat lonak tuah i amah fim a chimtu cu a nu kha a si.

JOB 10:3

Mi kha rialchih i nangmah kut nih a sermi kha nautat i Miṭhalo hna khuakhannak hnatlakpi cu, a ṭha tiah na ruah maw?

JOB 21:16

Annih nih, kanmah thazang tein kan hlawh a tling, an ti, Sihmanhsehlaw annih ruahning cu ka cohlang kho lo.

JOB 31:5

“Lih in rian ṭuannak ah kaa tel lo i hlennak lam kha ka zul lo,” tiah chiat ka ser.

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

SALM 119:115

Nannih misual mi hna, ka kaltak u, kei cu ka Pathian nawlbia kha ka zul lai.

SALM 144:15

Hi bantukin a ummi miphun cu aa lawmmi miphun an si; an Pathian ah Bawipa a simi hna cu, lunglawmmi an si.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 146:9

Hi ram chungah a ummi ramdangmi kha a huhphenh hna; nuhmei le ngakṭah kha a bawmh hna, sihmanhsehlaw miṭhalo pawl khuakhannak cu a hrawh.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 26:12

Him tein hmun rawn ah ka dir i zapi pumhnak ah Bawipa cu ka thangṭhat!

SALM 34:8

Bawipa hi zeitluk in dah a ṭhat ti kha nanmah tein va kawl cio hmanh u, amah chungah him tein a ummi cu a lung aa lawm.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 64:2

Miṭhalo hna khuakhannak chungin ka khamh law misual bu hna sinin ka huppheng ko.

SALM 81:12

Cucaah nan lung ṭhawn ning bantukin nan lam kha kan zulhter hna i nan duhmi paoh kha kan tuahter hna.

SALM 84:12

Maw Lianngan Bik Pathian, nangmah an bochanmi cu lunglawmmi an si.

PHUNGTHLÛKBIA 1:15

Ka fapa, an sinah cun kal ve hlah, An lam kha zul hlah;

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGTHLÛKBIA 13:15

Fimnak ṭha nih duhdawtnak a hlawh, Sihmanhsehlaw hlennak cu rawhralnak lei lam kalnak a si.

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 19:29

Miporhlaw mi hna caah fungfek cu chiah cia a si ko i Mihrut hna keng caah tuknak cu timhcia a si ko.

PHUNGTHLÛKBIA 2:12

Miṭhalo hna lam chung khan an khamh lai i holh ṭhalo hmangmi hna sin khan an luatter lai.

PHUNGTHLÛKBIA 3:34

Mi zei ah a rel lomi hna cu zei ah a rel ve hna lo i mi toiah aa dormi hna cu duhdawtnak a pek hna.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

PHUNGTHLÛKBIA 9:12

Na fim ahcun nangmah ca ṭhatnak a si ko, miruamkai na si ahcun mawhchiat awk cu nangmah na si ko.

JEREMIAH 15:17

Aa nuam huahmahmi hna sinah khan ka ṭhu ka um bal lo i An sin zongah kaa nuam bal lo; Nangmah nih rian na ka pekmi ruangah keimah lawng tein ka um i Nangmah nih thinhunnak in na ka khahter.

JEREMIAH 17:7

Sihmanhsehlaw keimah kha a ka bochan i a ka hngatchanmi cu thluachuahnak ka pek lai.

EZEKIEL 20:18

An fale hna cu ramlak ah khan, nan pale zulhmi nawlbia kha zul hna hlah u, an phunglam zulhmi zong kha zul hlah u, an siasal hna zong khan i thurhhnawmh ve hlah u, tiah nawl ka pek hna.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

JOHAN 20:29

Jesuh nih cun, “Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah,” tiah a ti.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

DEUTERONOMI 14:6

Zei saram paoh a tin a ṭe i a tin cheu hnih ah aa cheu i rawlret a khaimi cu, saram hna lakah nan ei awk an si lai.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

1 PETER 4:3

Lawkihmi nih an rak tuah tawnmi kha a za ceo nan rak tuah ve ko cang. Pumsa duhnak tehna, hornak tehna, zu ritnak tehna, zu hmun i nuamhnak tehna, bawilamnak tehna le fihnung a simi siasal biaknak tehna kha nan rak tuah hna.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.