RUTH 4:4 - Lai (Hakha) Common Language Bible 2006

⁴ Cucaah cun, cu kong cu nangmah kha kan chimh awk le hika i a ummi hna le ka mi hna lak i upa hna hmaiah hin caw, kan ti awk a si tiah ka ruah. Na tlanh hnga a si ahcun, tlan tuah; sihmanhsehlaw na tlanh duh lo ahcun, ka hngalh nakhnga ka chim tuah, zeicahtiah nangmah hleiah a tlantu ding an um ti lo i nangmah an changtu cu keimah ka si ko,” tiah a ti. Cun, “Ka tlanh lai,” tiah a ti.

RUTH 4:4 ပူးပေါင်းရင်းမြစ်များ

GENESIS 23:11

“Bawipa, cuticun a si lai lo, lo le a chung i a ummi lungkua cu an dihlak in nangmah kan pek lai. Ka mi hna an hmaika hrimhrim ah hin nangmah cu kan pek lai i na nupi cu na vui lai,” tiah a ti.

GENESIS 23:18

Pumhnak i aa telmi Hit mi vialte nih khan cu lo cu Abraham ta a si cang ti kha an hngalhpi.

JEREMIAH 32:25

Sihmanhsehlaw maw Bawipa Pathian, Babilon mi hna nih khuapi kha la dengmang cang hna hmanh seh law, tehte hna hmaiah lo kha a ka cawktertu cu nangmah na si,” tiah ka ti.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

2 KORIN 8:21

Kan i tinhmi cu, Bawipa hmuh lawngah si loin, minung mit hmuh zongah a dingmi thil tuah kha a si.

DEUTERONOMI 25:8

Cun a khuachung upa hna nih khan an kawh lai i an chimh lai. Asinain, ‘Amah cu lak ka duh lo,’ a ti ṭhiamṭhiam ko ahcun,

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

RUTH 2:20

Cun Naomi nih a fapa nupi sinah cun, “A nungmi cungah siseh, a thimi cungah siseh, a zaangfahnak a ngol lomi Bawipa nih cun amah cu thluachuahnak pe ko seh!” tiah a ti. Cun Naomi nih a sinah, “Cu pa cu kan rualchan a si, kan sahlawh naih bik a si,” tiah a ti fawn.

RUTH 3:12

Cun keimah cu na rualchan naih ka si taktak, asinain keimah nakin a nai deuhmi pakhat a um rih.

RUTH 3:9

Cun, “Ahodah na si?” tiah a ti i, “Na salnu Ruth ka si; ka rualchan naih na si caah na salnu hi na puan ka zawn tuah,” tiah a ti.