RUTH 4:10 - Lai (Hakha) Common Language Bible 2006

¹⁰ Mithipa min cu a unau hna sin le a chuahnak hmun hauka in a loh nakhnga lo, mithipa min cu a ro chung i hmunhter awkah, Mahlon nih a rohmi Moab minu Ruth zong kha ka nupi si awkah ka cawk cang; cucu nannih hi nihin ah hin a hngaltu nan si,” tiah a ti.

RUTH 4:10 ပူးပေါင်းရင်းမြစ်များ

GENESIS 29:27

Nan i ṭhitnak puai zarh khat chung hi tlinter ko law cucu a dih in kum sarih na ka rianh rih dingah cun Rachel cu kan pek lai,” a ti.

GENESIS 38:9

Asinain Onan nih khan fa kan hrinmi cu keimah ta an si lai lo ti kha a hngalh i cucaah cun a u nupi ro cu a ihpi fate a ci kha a pingah a chuahter i cucaah a u caah khan tefa a um kho lo.

SALM 109:15

Bawipa nih an sualnak cu hngal zungzal ko seh, anmah belte philh dipdep si ko hna seh.

SALM 34:16

sihmanhsehlaw ṭhat lonak a tuahmi kha cu a ral hna i cucaah anmah mi lila hmanh nih khan an philh hna.

PHUNGTHLÛKBIA 18:22

Nupi aa hmuhmi cu thil ṭha aa hmuhmi a si, Bawipa cu na cungah a ṭha ti kha a langhter.

PHUNGTHLÛKBIA 19:14

Inn le chawva cu pale sinin hmuhmi ro an si, Sihmanhsehlaw nupi fim cu Bawipa sinin hmuhmi laksawng a si.

ISAIAH 48:19

Nan tefa cu rili kam thetse zat in an tam hnga i zeitikhmanh i rawk kho lo dingin ka ser hna hnga,” a ti.

HOSEA 12:12

Kan pu Jakob cu Aram ram ah khan a rak zam i Khika ah nupi ṭhitnak caah mi tuu kha a rak khal.

HOSEA 3:2

Cucaah ngun phar hleinga le barli homer pakhat le mitsur hang thawl khat in amah cu ka va cawk ṭhan i

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

MALAKHI 2:14

Zeicahdah hitihin a si, tiah nan ti. Zeicahdah a si, ti ahcun, Bawipa cu nangmah le na tlanval lio na nupi karlak ah biahngaltu a si. Na nupi cu biakamnak in na hawikom le na nupi a rak si nain a cungah zumhawktlak loin nan um.

EFESA 5:25

Vale hna, Khrih nih khrihfabu cu a dawt i a nunnak a pek bantukin, nannih zong nih nan nupile kha nan dawt hna awk a si.

DEUTERONOMI 25:6

Cun a hrinmi fapa hmasa bik cu a thimi a unau min rawlhtu a si lai, a min cu Israel chungin hloh a si nakhnga lo.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

JOSHUA 7:9

Zeitintiah Kanaan mi hna le hi ram chung i a ummi vialte nih an theih lai i an kan kulh lai i vawlei cung hin kan min an hloh lai; na min lianngan cu zeidah na tuahpiak lai?” tiah a ti.

RUTH 4:9

Cun Boaz nih upa hna le mizapi hna sinah khan, “Nannih cu nihin ni ah hin Naomi kut chungin Elimelek ta a simi vialte le Khilion le Mahlon ta a simi vialte cu ka cawk cang hna, ti hngaltu nan si.