RUTH 3:9 - Lai (Hakha) Common Language Bible 2006

⁹ Cun, “Ahodah na si?” tiah a ti i, “Na salnu Ruth ka si; ka rualchan naih na si caah na salnu hi na puan ka zawn tuah,” tiah a ti.

RUTH 3:9 ပူးပေါင်းရင်းမြစ်များ

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

RUTH 2:20

Cun Naomi nih a fapa nupi sinah cun, “A nungmi cungah siseh, a thimi cungah siseh, a zaangfahnak a ngol lomi Bawipa nih cun amah cu thluachuahnak pe ko seh!” tiah a ti. Cun Naomi nih a sinah, “Cu pa cu kan rualchan a si, kan sahlawh naih bik a si,” tiah a ti fawn.

RUTH 3:10

Cun anih nih, “Ka fanu, Bawipa nih thluachuahnak in pe ko seh; tlangval a sifakmi siseh, a rummi siseh na zulh hna lonak ah hin, a hmasa bik i nak hmanh khan hi a hmanung bik na vel hi na dawhter deuh cang.

RUTH 3:12

Cun keimah cu na rualchan naih ka si taktak, asinain keimah nakin a nai deuhmi pakhat a um rih.

RUTH 3:8

Cun zanlai ah mipa cu a lau i a khel aa let i, zohhmanh, nu pakhat kha a kehram ah a rak it ko!

RUTH 4:4

Cucaah cun, cu kong cu nangmah kha kan chimh awk le hika i a ummi hna le ka mi hna lak i upa hna hmaiah hin caw, kan ti awk a si tiah ka ruah. Na tlanh hnga a si ahcun, tlan tuah; sihmanhsehlaw na tlanh duh lo ahcun, ka hngalh nakhnga ka chim tuah, zeicahtiah nangmah hleiah a tlantu ding an um ti lo i nangmah an changtu cu keimah ka si ko,” tiah a ti. Cun, “Ka tlanh lai,” tiah a ti.

RUTH 4:6

Cun rualchan naihpa nih cun, “Keimah ro tu kha ka hrawh sual lai caah, keimah caah cun ka tlan kho lai lo. Keimah nih ka tlanh khawh lo caah nangmah tu nih tlan khotu ka sinak cu i lak ko,” tiah a ti.

1 SAMUEL 25:41

Cun a tho i vawlei lei zoh in a kun i, “Zohhmanh u, nan salnu hi ka bawipa i a sinum hna ke ṭawltu salnu a si ko,” tiah a ti.