RUTH 1:15 - Lai (Hakha) Common Language Bible 2006

¹⁵ Cun amah nih, “Zohhmanh, na va unau nupi cu amah miphun le a pathian hna sinah a kir cang; nang zong na va unau nupi cu zul in kir ve tuah,” tiah a ti.

RUTH 1:15 ပူးပေါင်းရင်းမြစ်များ

2 SIANGPAHRANG 2:2

Cun Elijah nih Elisha cu a thawh i, “Hika ah hin rak um tuah, tiah kan nawl; zeitintiah Bawipa nih Bethel tiang kal a ka fial,” tiah a ti. Sihmanhsehlaw Elisha nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Bethel ah an vung kal.

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 36:3

A kaa chuak bia cu bia ṭha lo le lih lawng an si i mifim si i thil ṭha tuah kha a ngol cang.

ZEFANIAH 1:6

Bawipa kha hnulei an chit i Bawipa kha an kawl lo i ruahnak an hal lo.

NAMBAR 10:30

Sihmanhsehlaw amah nih, “Ka kal lai lo; keimah ka ram le ka rualchan hna sinah ka kal lai,” tiah a ti.

LUKA 24:28

An kalnak ding khua cu an hei phan deng i cu tikah Jesuh nih cun hmailei i a kal rih lai bantuk khin aa umter;

HEBRU 10:38

Ka miding mi hna nih cun an zumh lai i an nung lai; Sihmanhsehlaw ahohmanh aa letmi cu an cungah ka lung aa lawm lai lo,” tiah a ti bang khan a si lai.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

JOSHUA 24:19

Sihmanhsehlaw Joshua nih mi zapi cu, “Bawipa cu a rian nan ṭuan kho lai lo, zeitintiah amah cu Pathian thiang a si; nahchuak Pathian a si; nan phungbuarnak siseh, nan sualnak siseh, an ngaithiam hna lai lo.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

BIACEIHTU 11:24

Na pathian Khemosh nih co awkah an pekmi kha na co awk cu a si hnga lo maw? Bawipa kan Pathian nih kan hmai in a pawnchuahmi vialte cu kannih nih kan co hna lai.

RUTH 1:14

Cun nguingui thlak in an ṭap ṭhan; Orpah nih cun a pi cu a hnamh, sihmanhsehlaw Ruth tu nih cun aa tlaih peng.

RUTH 1:16

Sihmanhsehlaw Ruth nih, “Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;