ROM 9:4 - Lai (Hakha) Common Language Bible 2006

⁴ Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

Laibaibal Thiang (BSI)

⁴ Israel mi an si, fa sinâk, sunparnâk, biakam, nawlbia, Pathian rian le bia kamhmi hna an ta a si,

ROM 9:4 ပူးပေါင်းရင်းမြစ်များ

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 17:10

Cun nangmah le na tefa hna nih tuah awkah kan hna a tla nan ti awk cu hihi a si: nanmah lak i pa paohpaoh cu nan cuarpar nan i tan dih lai.

GENESIS 17:2

Nangmah sinah biakamnak ka ser lai i tefa tampi kan pek lai,” a ti.

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

1 SIANGPAHRANG 8:11

cucaah minmei ruangah khan rianṭuan awkah tlangbawi hna cu an dir kho lo; zeitintiah Bawipa sunparnak cu Bawipa inn kha a khat.

NEHEMIAH 13:29

Maw ka Pathian, annih nih tlangbawi rian le tlangbawi biakamnak le Levi mi hna biakamnak cu an buar caah annih cu hngal camcin ko hna.

SALM 147:19

Jakob cu a bia kha a chimh, Israel cu a nawlbia le a phunglam kha a pek.

SALM 63:2

Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.

SALM 73:1

Pathian hi Israel mi hna cungah a ṭha taktak ko, lung thiang a ngeimi hna cungah a ṭha taktak ko.

SALM 78:61

Biakamnak kuang kha kan ral pawl cu a tlaihter hna. a lianhngannak le a sunparnak an umnak kuang cu a tlaihter hna.

SALM 89:3

Naa thawh i, “Ka thimmi sinah bia kaa kam cang; ka sal David cu bia ka kam i,

SALM 89:34

Amah he bia kan i kamnak kha ka hrawk lai lo, amah sin i bia ka kammi cu pakhatte hmanh ka let ṭhan lai lo.

SALM 90:16

Kannih na sal rual hi khuaruahharmi thil na tuahmi cu kan hmuhter law kan tefa hna nih a liannganmi na ṭhawnnak cu hmu ve hna seh.

EXODUS 12:25

Cun Bawipa nih, kan pek hna lai, tiah bia an kamhmi hna ram chung i nan luh tikah, hi phung hi nan zulh zungzal lai.

EXODUS 34:27

Bawipa nih Moses cu, “Hi bia hi nangmah le Israel mi hna he biakamnak ka sernak bia an si caah ṭial hna,” a ti.

EXODUS 4:22

Cu tikah Faro cu na thawh lai i, Bawipa nih, ‘Israel cu ka fapa upa bik a si.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 46:3

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

EZEKIEL 1:28

Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

MATTHAI 21:33

Jesuh nih cun a thawh ṭhan hna i, “Tahchunhnak bia pakhat in ngai rih tuah u: Lo ngeitupa pakhat a rak um i mitsur dum pakhat a rak ser; hau in a kulh, mitsur nennak caah khor a cawh i parthlam pakhat a sak. Cun a lo cu a ṭuantu hna sinah khan a hlanh i amah cu khualtlawn ah aa thawh.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

ROM 9:6

Israel mi kha an dihlak in Pathian thimmi an si dih lem lo caah Pathian biakamnak cu pakpalawng ah a cang ka ti duhnak a si lo. Zeicahtiah Israel mi vialte kha Israel tefa an si lem lo,

2 KORIN 11:22

Annih cu Hebru mi an si maw? Ka si ve. Israel mi an si maw? Ka si ve. Abraham tefa an si maw? Ka si ve.

GALATI 3:16

Pathian nih bia a kamhmi cu Abraham le a tefa pakhat kha an si. Cathiang nih, mi tampi ti duhnak caah, “na tefa hna,” tiin a ti lo. A timi cu, “na tefa,” ti lawng a si i cucu mi pakhat a ti duhnak a si i cu mi pakhat cu Khrih kha a si.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

DEUTERONOMI 14:1

“Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.

DEUTERONOMI 29:1

Horeb tlang i annih he biakamnak a rak tuahmi hleiah khan, Moab ram chungah Bawipa nih Israel mi hna sinah Moses cu biakamnak a sertermi chung i bia hna cu mah hi an si.

DEUTERONOMI 29:14

Hi chiatser in biakamnak ka tuahmi cu, kanmah he nihin ah Bawipa kan Pathian hmaiah a dirmi hna he lawng hin ka ser a si lo,

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

HEBRU 9:1

Biakamnak hmasa bik nih khan Pathian biaknak caah phunglam a ngei i biakinn zong a ngei, a biakinn cu minung sermi a si.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

HEBRU 9:3

Puanzar pahnihnak hnulei ah khan Hmun Thiang Bik timi hmun kha a um.

HEBRU 9:5

Cu kuang cungah cun Pathian sunparnak cherub kha an um i sual ngaihthiamnak hmun kha an thla an zarh. Hi thil kong hi a dihlak in chim caan atu hi a si lo.

HEBRU 9:6

Thil umtuning cu hitihin a si: Lenglei thlam chungah khan tlangbawi hna cu an rian ṭuan awkah ni fate in an lut lengmang;