ROM 9:33 - Lai (Hakha) Common Language Bible 2006

³³ Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

Laibaibal Thiang (BSI)

³³ Hitihin ṭial a si, “Zohhmanh, Zion ah tluknâk le rilhnâk lungpi ka chiah, amah zummi pauh cu an mualpho lai lo.”

ROM 9:33 ပူးပေါင်းရင်းမြစ်များ

SALM 118:22

Inn satu pawl nih santlailo ah an rel i an hlawtmi lung cu, santlai bik lung a rak si ziar ko!

SALM 119:116

Bia na ka kamh bangin thazang ka pe law ka nung lai. kaa ruahchannak ah hin hnabeidong in ka umter hlah.

SALM 25:20

Ka huppheng law ka khamh tuah, himnak hmuh duh ah nangmah cu kan fuh caah mualpho in ka umter sawh hlah.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

MATTHAI 21:44

Hi lung cung i a tlami cu a kuai cikcek lai, hi lung nih a rialmi cu leidip ah a cang lai,” tiah a ti.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

ROM 10:11

Cathiang nih, “Amah a zummi paoh cu ningzahnak an ing lai lo,” tiah a ti.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

GALATI 5:11

Ka u le ka nau hna, cuarpartan hi a herh ko ti i ka chim rih a si ahcun, zeicahdah hremnak hi ka in lengmang kun? Cuticun rak chim ning law cu, Khrih vailam tahnak kong ka chimmi nih hin harnak zeihmanh a chuahter hnga lo.

FILIPI 1:20

Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.