ROM 9:3 - Lai (Hakha) Common Language Bible 2006

³ Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

Laibaibal Thiang (BSI)

³ Zeitintiah thisa lei i ka unau, ka miphun hna caah chiatserhnâk hmanh in i Krih he i ṭhen tiang hmanh ka duh.

ROM 9:3 ပူးပေါင်းရင်းမြစ်များ

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

ESTHER 8:6

Zeicahtiah, zeitindah ka miphun cung i a tlung ding harnak hmuh cu ka in khawh lai? Zeitindah ka rualchan hna hrawh dih an si hmuh cu ka in khawh lai?” tiah a ti.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.

LAMKALTU 28:21

Annih nih an thawh i, “Nangmah kongah Judea ram in ca zeihmanh kan hmu lo; cun cuka hmun in thawngpang a hun phormi kan unau ahohmanh an um fawn lo; nangmah kong cu a chia lei in an chimmi zong zeihmanh a um fawn lo.

ROM 1:3

cucu a Fapa kan Bawipa Jesuh Khrih kong kha a si. Minung lei in ti ahcun David hrinsor a si,

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

ROM 16:11

Judah mi a simi ka phun hawi Herodion le Narsissas innchungkhar Khrihfa kan unau hna kha nan kut kan tlaih hna.

ROM 16:21

Ka rianṭuan hawi Timote nih nan kut an tlaih hna; cun Judah mi ka phun hawi Lusias, Jason le Sosipater zong nih nan kut an in tlaih hna.

ROM 16:7

Andronikas le Junias kha an kut ka tlaih hna, annih cu kan Judah phun hawi keimah he thongtla ṭimi an si. Anmah cu lamkaltu pawl nih khan ṭha tein an theihmi hna an si i ka hlan i Khrihfa a cangmi an si.

ROM 9:2

Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.

1 KORIN 12:3

Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

1 KORIN 16:22

Bawipa a daw lomi cu an cungah chiat si ko seh. Maranatha — Kan Bawipa, ra cang ko!

2 KORIN 12:15

Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?

GALATI 1:8

Kanmah kan si zongah, vancungmi a si zongah, kan in chimhmi hna thawngṭha he aa dangmi thawngṭha an chimtu hna cu, hell ah tla ko seh.

GALATI 1:9

Hmasa zongah kan rak chim cang i atu zongah kan chim ṭhan: nan rak cohlan cangmi thawngṭha he aa dangmi thawngṭha an chimtu hna paoh cu hell ah tla ko seh!

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

EFESA 6:5

Sal hna, nan bawile cu ther le phang bu tein an nawl ngai hna u; Bawi Khrih rian nan ṭuan i lungthin tak tein nan ṭuan bantuk khan, an nawl nan ngaih hna zongah cun lungthin tak tein ngai hna u.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

1 SAMUEL 14:44

Cun Saul nih, “Pathian nih ka cungah cu bantukin le cu nak tam deuh zongin, tuah ko seh; na thi hrimhrim ko lai, Jonathan,” tiah a ti.