ROM 9:29 - Lai (Hakha) Common Language Bible 2006

²⁹ Isaiah ṭhiamṭhiam nih, “Bawipa, a Lianngan Bik Pathian nih tefa tlawmpal kan nganh hlah seh law cu, Sodom bantuk kan si diam cang hnga i Gomorrah bantukin kan um diam cang hnga,” a rak ti bantuk khan a si.

Laibaibal Thiang (BSI)

²⁹ Isaiah ṭhiamṭhiam nih hitihin a rak chim cang: “Mizapi hna Bawipa nih ci rak kan chiahpiak hlah sehlaw, Sodom khua bang kan si diam cang lai i Gomora khuami bang kan si diam cang lai.”

ROM 9:29 ပူးပေါင်းရင်းမြစ်များ

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

JEREMIAH 49:18

Sodom le Gomorrah le an pawngkam khua vialte bantuk khan a rawk lai, tiah Bawipa nih a ti. Khika ah ahohmanh khua an sa lai lo, minung ahohmanh innlo a khuarmi an um lai lo.

JEREMIAH 50:40

Pathian nih Sodom le Gomorrah le an pawngkam khua hna kha a hrawh tik hna ah khika ah mi ahohmanh an um ti lo bantukin a chungah ahohmanh khua an sa ve lai lo, tiah Bawipa nih a ti.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

AMOS 4:11

Pathian nih Sodom le Gomorrah a hrawh bantuk khan nan cungah rawhralnak ka tlunter; Nannih cu mei alh chungin chuahmi mei thingthu bantuk nan si, Sihmanhsehlaw ka sinah nan kir hlei lo. Hihi Bawipa bia hrimhrim a si.

ZEFANIAH 2:6

Cun nang Kereth cu, tuukhal hna thlam le tuu riahnak hmun ah na cang dih lai;

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.

2 PETER 2:6

Pathian nih Sodom le Gomorrah khua cu dan a tat hna i mei in a hrawh hna; Pathian zei i a rel lomi hna caah zohchun awkah a ser hna.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.