ROM 9:21 - Lai (Hakha) Common Language Bible 2006

²¹ A ngaingai ti ahcun um a sertu nih khan tlak cu a duhduh in hmannak nawl a ngei ko, tlak hlum hlum khat chung khan um pahnih a ser khawh ko hna, pakhat cu sawhsawh men i hman lo dingah a ser i pakhat cu sawhsawh men i hman awkah a ser ko.

Laibaibal Thiang (BSI)

²¹ Bêllei tlangkhat chungin ûm ṭha deuh le a dang ṭhalo deuh ser dingin ûmsertu nih nawl a ngei lo maw?

ROM 9:21 ပူးပေါင်းရင်းမြစ်များ

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

HOSEA 8:8

Atu cu Israel hi dolh a si cang, miphun hna lakah a lo cang, man ngei lo a si cang.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 9:11

Sihmanhsehlaw pakhat u a thim kha Pathian tinhning lawnglawng in a si nakhnga caah Pathian nih Rebekka cu, “A u nih a nau kha a rianh lai,” tiah a chimh. Hi bia a chim hi an chuah hlanah a si, a ṭha siseh, a ṭhalo siseh, zeihmanh an tuah hlan ah a si; cucaah Pathian nih pakhat a thim cu anmah an tuahmi ruangah khan a si lo, amah nih a kawh ruang tu ah khan a si ko.

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.