ROM 9:19 - Lai (Hakha) Common Language Bible 2006

¹⁹ Nan lak i pakhatkhat nih nan ka thawh lai i, “Hi bantukin thil a si kun ahcun, zeitindah Pathian nih minung cu sual a phawt khawh kun? Pathian duhnak cu aho nih dah a donh khawh?” nan ti lai.

Laibaibal Thiang (BSI)

¹⁹ Nang nih ka sinah, “Zeitindah naka mawhchiat khawh rih? Ahonihdah a duhmi a ralchanh khawh lai?” na ti khawh kun.

ROM 9:19 ပူးပေါင်းရင်းမြစ်များ

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

JOB 9:19

Thazang zuamkhawnnak a si ahcun, zohhmanh, amah cu a ṭhawng bik a si ko! Cun biading kong ah a si ahcun, aho nih dah, a bia cu ngaihpiak ko, tiah an ti khawh lai?

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

ISAIAH 29:16

Zeizong vialte kha a bingtalet in an ser dih. Zeidah a biapi deuh, um sertu maw tlak dah? Mi nih an sermi thil nih khan, a sertu minung cu, “Na ka ser lo,” a ti khawh lai maw? Asiloah, “Na tuahmi hi zei a si na hngal lo,” a ti khawh lai maw?

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

MARKA 14:21

Cathiang nih a chimning in Mi Fapa cu a thi ko lai, sihmanhsehlaw Mi Fapa a rawitu ding cu, a caah a va poi hringhran dah! Cu pa cu chuak lo lawlaw in rak um seh law a caah a ṭha deuh hnga,” tiah a ti.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

ROM 11:19

Sihmanhsehlaw nan i thawh hnga i, “Kanmah umnak serpiak awkah pei a nge cu khiah an si fom cu,” nan ti hnga.

1 KORIN 15:12

Kan chimmi cu Khrih cu thihnak in thawhter a si ti kha a si caah, zeitindah nannih a cheu nih, mithi cu nunnak ah thawhter an si lai lo, tiah nan ti khawh?

1 KORIN 15:35

A cheu nih nan i thawh lai i, “Zeitindah mithi cu nunnak ah thawhter a si khawh lai? Zei bantuk pum dah a ngeih lai?” nan ti lai.

JEIM 1:13

Cu bantuk hneksaknak kha mi nih an in tikah, “Tukforhnak hi Pathian sinin a ra,” an ti awk a si lo; zeicahtiah Pathian cu ṭhat lonak nih a tukforh kho lo i amah zong nih ahohmanh a tukforh bal hna lo.

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.