ROM 9:16 - Lai (Hakha) Common Language Bible 2006

¹⁶ Cucaah mi nih an duhmi thawng le an tuahmi thawngin si loin Pathian zaangfahnak thawng lawngin a si ko.

Laibaibal Thiang (BSI)

¹⁶ Cuticun a duhtu le a panhtu ruangah a si lo i a zângfahtu Pathian thawngin a si deuh.

ROM 9:16 ပူးပေါင်းရင်းမြစ်များ

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

ISAIAH 65:1

Bawipa nih aa thawh i, “Ka mi hna thlacamnak kha leh awkah timh cia tein ka rak um ko, sihmanhsehlaw thla an cam lo. Ka hmu hna seh, tiah timh cia tein ka rak um ko, sihmanhsehlaw a kawl timh in an ka tim lo. An thlacamnak leh i, ‘Hika ah ka um ko, kan bawmh hna lai,’ ti in ti awkah timh cia tein ka um ko, sihmanhsehlaw ka miphun nih ka sinah thla an cam lo.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 4:8

Cun Khuachia nih cun Jesuh cu tlang sang ngaingaimi pakhat ah a kalpi i vawleicung ram vialte le an sunparnak vialte kha a hmuhsak i,

LUKA 10:21

Khi tikah khan Jesuh cu Thiang Thlarau nih lawmhnak in a khahter i, “Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.

JOHAN 3:8

Thlitu cu a duhnak paoh ah a hrang ko; a thawng cu na theih, sihmanhsehlaw khuazei in dah a rat le khuazei ah dah a kal kha na hngal lo. Thlarau in hrin a simi cu, cu bantuk cun an si ve,” tiah a ti.

ROM 9:11

Sihmanhsehlaw pakhat u a thim kha Pathian tinhning lawnglawng in a si nakhnga caah Pathian nih Rebekka cu, “A u nih a nau kha a rianh lai,” tiah a chimh. Hi bia a chim hi an chuah hlanah a si, a ṭha siseh, a ṭhalo siseh, zeihmanh an tuah hlan ah a si; cucaah Pathian nih pakhat a thim cu anmah an tuahmi ruangah khan a si lo, amah nih a kawh ruang tu ah khan a si ko.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.