ROM 9:1 - Lai (Hakha) Common Language Bible 2006

¹ Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

Laibaibal Thiang (BSI)

¹ Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi,

ROM 9:1 ပူးပေါင်းရင်းမြစ်များ

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

ROM 2:15

Nawlbia nih, tuah u, a timi cu an lung chungah aa ṭial ko ti kha an ziaza in an langhter. Cun anmah lungthin lila nih a zeimaw caan ah sual a phawt hna i a zeimaw caan ah thiam a coh hna caah, an lung chungah aa ṭial ko ti cu an chiaṭha thleidannak nih khan a langhter ko.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

ROM 9:2

Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

2 KORIN 11:10

Hi kaa porhlawtnak hi Grik ram chung khuazeihmanh ah ahohmanh nih an daihter kho lai lo tiah Khrih biatak ka chung i a ummi hin kaa kam.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

GALATI 1:20

Ka ṭialmi hi biatak a si. Ka lih ka chim lo kha Pathian nih a hngalh.

FILIPI 1:8

Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

1THESALON 2:5

Kan hmanmi bia kha nanmah nih nan hngalh bantukin, mi hei faknak bia men an si lo i Pathian zong nih a hngalh bantukin duhfahnak lungthin khuhnak bia men an si lo.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

1TIMOTE 5:21

Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.