ROM 8:7 - Lai (Hakha) Common Language Bible 2006

⁷ Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

Laibaibal Thiang (BSI)

⁷ Zeicatiah thisa lungput nih Pathian a ralchanh i Pathian nawlbia tangah um a duh lo, a um zong a um kho lo.

ROM 8:7 ပူးပေါင်းရင်းမြစ်များ

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

JOB 15:13

Zei nih dah na thinhunnak kha Pathian cungah an chuahnawhter i Cu bantuk bia hna cu na kaa in na chuahter len hna?

SALM 53:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah, ahmaanmi thil a tuahmi ahohmanh an um lo.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

MATTHAI 5:19

Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 3:31

Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 7:22

Ka chunglei mi cu Pathian phung ah khan aa lawm;

ROM 8:4

Pathian nih hihi zeicahdah a tuah ti ahcun, minung kan sining zulh in si loin Thlarau hruainak zulh in a nungmi kan nunning ah hin Nawlbia cu; tuah u, tiah a timi vialte ah khan a lungawih a si nakhnga caah a si.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

1 KORIN 9:21

Cu bantuk ṭhiamṭhiam in Judah mi hna phung leng i a ummi Jentail mi hna sin i ka ṭuan tikah Jentail mi cu ka lak khawh hna nakhnga Jentail mi bantukin ka um. Cuti ti tikah Pathian nawlbia kha ka zul lo tinak a si lo, a ngaingai ti ahcun Khrih nawlbia tangah pei ka um cu.

KOLOSE 1:21

Hlan ah cun thil ṭhalo nan tuahmi le nan ruahmi ruangah khan Pathian he nan rak i hlat i a ral ah nan rak i ser.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.