ROM 8:5 - Lai (Hakha) Common Language Bible 2006

⁵ An minung sining nih tuah u a ti hna ning paoh in a nungmi cu minung sining nih a duhmi nih khan an lungthin cu a uk hna. Thlarau nih a chimh hna ningin a nungmi cu Thlarau nih a duhmi nih khan an lungthin cu a uk hna.

Laibaibal Thiang (BSI)

⁵ Zeitintiah thisa duhnâk i a nungmi hna nih thisa duhnâk lawng an ruah i Thlarau duhnâk i a nungmi nih Thlarau duhnâk kha an ruah tawn.

ROM 8:5 ပူးပေါင်းရင်းမြစ်များ

MARKA 8:33

Sihmanhsehlaw Jesuh cu aa mer i a zultu hna lei kha a zoh i Peter cu a mawhchiat ve i, “Ka sinin kal ko, Satan; zeicahtiah na ruahning hi minung ruahning a si, Pathian ruahning a si lo,” tiah a ti.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1 KORIN 15:48

Vawlei ta a simi cu vawlei in sermi bantuk cu an si i vancung in a rami bantuk cu vancung ta a simi cu an si.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

2 KORIN 10:3

Vawleicung ah cun kan um taktak, sihmanhsehlaw vawlei cung thil tinhmi ngei in ral kan do lo.

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

2 PETER 2:10

Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.