ROM 8:31 - Lai (Hakha) Common Language Bible 2006

³¹ Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

Laibaibal Thiang (BSI)

³¹ Hi kongah hin zeitindah kan chim lai? Pathian kan leiah a `an ahcun ahonihdah a kan doh khawh lai?

ROM 8:31 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

1 SIANGPAHRANG 8:57

Bawipa kan Pathian cu, kan pupa hna sinah a um bang khan kannih sinah um seh, kan kaltak in a hlawt zong kan hlaw hlah seh;

2 SIANGPAHRANG 6:16

Anih nih a thawh i, “Ṭih hlah, zeitintiah kan sin i a ummi hna cu an sin i a ummi hna nakin an tam deuh,” tiah a ti.

1 CHANRELNAK 19:15

Cun Ammon mi hna nih Siria mi an zam ti kha an hmuh tikah annih zong, cu bantukin Joab unau Abishai hmai khan an zam ve i khua chungah khan an lut. Cun Joab cu Jerusalem ah a tlung.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

SALM 118:6

Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

SALM 56:11

Amah cu kaa bochan i ka thin a phang lo, minung menmen nih cun zeidah an ka ti khawh lai?

SALM 56:4

Pathian cu kaa bochan i a biakam cu ka thangṭhat; amah cu kaa bochan i ka thin a phang lo. Minung menmen nih cun zeidah an ka ti khawh lai?

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

JEREMIAH 1:19

Annih nih nangmah cu an in tuk lai, sihmanhsehlaw na sinah ka um i kan huhphenh lai caah an in tei lai lo, tiah Bawipa nih a ti,” tiah a ti.

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

JEREMIAH 42:11

Babilon siangpahrang nan ṭihmi hi ṭih hlah u; Bawipa nih, “Ṭih hlah u, zeicahtiah amah kut chungin nannih cu khamh awk le chuah awkah nan sinah ka um ko,” tiah a ti.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 4:1

A kan hringsortu kan pu Abraham kong kha tah zeitindah kan ti kun lai. Zeitindah a rak si kha?

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.