ROM 8:29 - Lai (Hakha) Common Language Bible 2006

²⁹ Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

Laibaibal Thiang (BSI)

²⁹ Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

ROM 8:29 ပူးပေါင်းရင်းမြစ်များ

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 89:27

Amah cu ka fater ah ka ser lai i siangpahrang vialte lak i a ngan bik ka siter lai.

EXODUS 33:12

Moses nih Bawipa cu a thawh i, “Hi mi hna hi kha ram ah khan kalpi hna tiah na ka ti taktak, asinain ahodah ka sinah na kalter lai ti kha na ka chim lo. Asinain, ‘Nangmah cu fiang tein kan hngalh i na cungah ka lung a tling,’ na ka ti ṭhiamṭhiam fawn.

EXODUS 33:17

Bawipa nih Moses cu, “Na cungah ka lung a tling i nangmah cu ṭha tein kan hngalh caah, na chim bantuk tein ka tuah lai,” a ti.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 28:10

Jesuh nih cun, “Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai,” tiah a ti hna.

MATTHAI 7:23

Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.

JOHAN 17:16

Vawlei ta ka si lo bantuk hin annih zong vawlei ta an si ve lo.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

ROM 11:2

Pathian nih cun a hramthawk tein a rak thimmi a mi cu a hlaw hna lo. Cathiang chungah a ummi, Israel kong ah Elijah nih Pathian sinah,

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

1 KORIN 15:49

Vawlei in sermi mui kha kan i hruk bantukin vancung in a ra Mi cu kan i hruk lai.

1 KORIN 2:7

ka chimmi fimnak cu Pathian biathli fimnak, minung hngalh lomi, vawlei ser hlan hrimhrim in Pathian nih kan sunparnak ding ca i a rak timhmi fimnak tu kha a si.

1 KORIN 8:3

Sihmanhsehlaw Pathian a dawmipa kha Pathian nih a hngalh.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

EFESA 4:24

Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

1 PETER 1:20

Amah cu Pathian nih vawlei a ser hlan khan a thim cang i nanmah caah hi ni hmanung bik hna caan ah hin a hun langhter.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.