ROM 8:26 - Lai (Hakha) Common Language Bible 2006

²⁶ Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

Laibaibal Thiang (BSI)

²⁶ Cubangin Thlarau nih kan thazâng dernâk ah a kan bomh tawn. Zeitindah thla cam awk a si, ti hmanh kan hngalh lo cân ah Thlarau nih hmurkâ in chimkhawh lomi aihrâm nâkin kan caah thla a kan campiak tawn.

ROM 8:26 ပူးပေါင်းရင်းမြစ်များ

JOB 37:19

Amah sin chim ding bia cu kan cawnpiak tuah ngat, Kannih cu, zeizong vialte kha a muih dih caah kan ruahnak kan pumkhawl kho lo hi ta.

SALM 10:17

Bawipa, minauta cu an thlacamnak kha na ngaihpiak hna i lungṭhawnnak na pek hna.

SALM 102:20

cu a run cuanh cu thongtla pawl an aihramnak theih awk le thah awk i biaceih cangmi hna luatter awkah a si.

SALM 102:5

Fak piin ka hrum i ka ai, ka ruh le ka cuar lawng ka si ko.

SALM 6:3

ka nunnak hi a ning piin a fak, zei can dah hitihin ka um lai, maw Bawipa?

SALM 6:9

bawmh hal in ka aunak kha a theih i ka thlacamnak kha a ka leh.

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

ṬAHNAK HLA 3:56

Ka aw kha na theih; ‘Keimah chanh awkah ra tuah,’ tiah ka au tikah, Na hna i cheh sawh hlah.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MATTHAI 10:20

Zeicahtiah nan chimmi bia cu nanmah bia a si lai lo; nan chung i bia a chimtu nan Pa Thlarau nih an pekmi hna bia a si lai.

MATTHAI 20:22

Jesuh nih cun, a fapale hna cu, “Nan ka halmi hi nan hngal lo. Ka din lai dingmi hrai hi nan din khawh lai maw?” tiah a leh hna. Annih nih, “Kan din khawh lai,” tiah an leh.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

JOHAN 14:16

Ka Pa kha ka hal lai i Bawmtu a dang, an pek hna lai i a zungzal in an umpi hna lai.

ROM 15:1

Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

ROM 7:24

Mi lungrethei ka va si dah! Thihnak i a ka kalpitu pum chung hin aho nih dah a ka khamh lai? Pathian lawnglawng nih kan Bawipa Jesuh Khrih thawngin a ka khamh lai;

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

2 KORIN 5:2

Atu cu hi kan pum hin kan hrum lengmang i vancung i a ummi kan inn cu kan cungah hin run kan khuh hna seh ti cu kan duh hringhran;

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

HEBRU 5:2

Amah zong cu phun tam piin tlin lonak a ngeimi a si ve caah khan a hrutmi le a palhmi cungah khan lungnemnak a ngei kho.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.