ROM 8:17 - Lai (Hakha) Common Language Bible 2006

¹⁷ Kannih cu Pathian rocotu kan si, Khrih roco-hawi kan si; zeicahtiah Khrih temhinnak kha kan i hrawm ahcun a sunparnak zong kan i hrawm ve lai.

Laibaibal Thiang (BSI)

¹⁷ fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

ROM 8:17 ပူးပေါင်းရင်းမြစ်များ

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 24:26

Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ROM 5:17

Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

2 KORIN 1:5

Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.

2 KORIN 1:7

Cucaah nan cung i ruahchannak kan ngeihmi cu zeitikhmanh ah aa hnin bal lo. Temhnak kan inmi nan kan inpi bantukte khan hnangamnak kan hmuhmi cu annih zong nih nan hmuh ve.

GALATI 3:29

Cucaah Khrih ta nan si ahcun Abraham tefa nan si i Pathian biakamning in rocotu nan si.

GALATI 4:7

Cucaah sal nan si ti lo, fa nan si cang. Cun Pathian fa nan si cang caah Pathian thawngin rocotu zong nan si.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

FILIPI 1:29

Khrih ca rianṭuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

FILIPI 3:10

Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 6:17

Cu bantukin Pathian zong nih, bia a kamhmi hna nih khan a biakam cu a let hrimhrim lai lo, ti kha fiang tein hngal hna seh ti a duh caah, cu a biakamnak cu chiatsernak in a fehter.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.