ROM 8:15 - Lai (Hakha) Common Language Bible 2006

¹⁵ Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

Laibaibal Thiang (BSI)

¹⁵ Zeitintiah ṭihnâk le sal sinâk thlarau nan co lo i fa sinâk Thlarau tu nan co. Amah thawngin, “Abba, Kapa” tiah kan au tawn.

ROM 8:15 ပူးပေါင်းရင်းမြစ်များ

EXODUS 20:19

Moses kha an thawh i, “Nangmah nih bia cu kan chim ko, na chimmi cu kan ngaih ko lai, sihmanhsehlaw Pathian nih a kan chimh ahcun kan thi lai,” an ti.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

NAMBAR 17:12

Cun Israel mi hna nih Moses sinah, “Zohhmanh, kan lo dih ai, kan rawk dih ai, kan rawk dih cikcek ko hi ta.

MATTHAI 25:25

Cucaah kan ṭih i na tangka cu vawlei chungah ka va thuh. Zohhmanh na ta kha a ningte in, hihi a si ko,’ tiah a ti.

MARKA 14:36

“Ka Pa, ka Pa, nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh,” tiah a ti.

LUKA 11:2

Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

LUKA 22:42

“Ka Pa, na hna a tlak ahcun hi hrai hi ka ṭhialpiak ko. Sihmanhsehlaw keimah nawl si loin nangmah nawl si ko seh,” tiah a ti. (

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

LUKA 8:37

Cu tikah Gerasa ram i a ummi hna nih cun an ṭih ngaingai caah an zapi in Jesuh cu, kal ko tiah an nawl. Cucaah Jesuh cu lawng chungah khan a lut i a kal.

JOHAN 16:8

A rat tikah vawleicung mi kha sualnak an ruahning le zeidah a ding ti an ruahning le Pathian nih bia a kan ceih lai ti an ruahning i an palhnak kha fiang tein a hngalhter hna lai.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

LAMKALTU 16:29

Thonginn bawi nih khan mei rak pu u tiah a ti hna i khulrang in a lut i Paul le Silas kehram ah cun ther lengmang in a bawk.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

1 KORIN 2:12

Kannih kan hmuhmi thlarau cu hi vawlei thlarau hi a si lo, Pathian nih a kan pekmi vialte cu kan hngalh khawh nakhnga, Pathian nih a run thlahmi Thlarau cu kan hmuh cang.

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

GALATI 5:1

A luatmi kan si cang. Khrih nih a kan luatter cang. Cucaah fek tein dir u law sal ah khan i ser ṭhan ti hlah u.

EFESA 1:5

Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

2TIMOTE 1:7

Pathian nih a kan pekmi Thlarau nih cun mi ralchia ah a kan ser lo, ṭhawnnak le dawtnak le mah le mah i uk khawhnak tu khan a kan khahter.

HEBRU 2:15

thihnak an ṭih ruang i an nun chung vialte sal bantukin khua a sami hna kha a luatter hna nakhnga caah a si.

JEIM 2:19

Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.

1JOHAN 4:18

Dawtnak chungah cun ṭihnak a um lo. Dawtnak tling nih cun ṭihnak vialte kha a chuah dih hna. Cucaah ṭihnak a ngeimi cu dawtnak tling a ngei rih lo, zeicahtiah ṭihnak cu dantatnak he aa pehtlaimi a si.