ROM 8:11 - Lai (Hakha) Common Language Bible 2006

¹¹ Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

Laibaibal Thiang (BSI)

¹¹ Asinain thihnâk in Jesuh a thawhtertu Thlarau nan chungah a um ahcun, thihnâk in Krih a thawhtertu nih khan, nan chungah a ummi Thlarau thawngin a thi khomi nan pum cu a nunter lai.

ROM 8:11 ပူးပေါင်းရင်းမြစ်များ

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

EZEKIEL 37:14

Khi tikah ka thlarau cu nan chungah ka chiah lai i nan nung lai i nan vawleite ah khan kan umter hna lai i hi bia cu Bawipa nih ka chimmi a si i tuah zong ka tuah laimi a si ti kha nan hngalh lai. Mah hihi Bawipa bia hrimhrim a si,” a ti.

JOHAN 14:17

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh.

JOHAN 5:21

Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

ROM 16:10

Khrih zumhnak ah a fel ngaingaimi Apelles kha na kut kan tlaih. Aristobulus innchungkhar kha nan kut kan tlaih hna.

ROM 16:3

Prisilla le Akuila kha nan kut kan tlaih hna. Annih cu Khrih Jesuh rian ah ka ṭuan hawi an si i

ROM 16:7

Andronikas le Junias kha an kut ka tlaih hna, annih cu kan Judah phun hawi keimah he thongtla ṭimi an si. Anmah cu lamkaltu pawl nih khan ṭha tein an theihmi hna an si i ka hlan i Khrihfa a cangmi an si.

ROM 16:9

Khrih rianṭuannak ah ka rian ṭuan hawi Urbanas le ka dawtmi ka hawi Stakhis zong kha nan kut kan tlaih hna.

ROM 6:12

Cucaah thih a hmangmi nan pum kha sualnak nih uk ti hlah seh law, pumsa duhnak kha in zulhter ti hna hlah seh.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 8:12

Cucaah ka u le ka nau hna, kan mihring sining in kan nun awk a si lo.

ROM 8:2

Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1 KORIN 15:16

Mithi cu thawhter an si lo ahcun Khrih zong cu thawhter a rak si lo a si hnga.

1 KORIN 6:14

Pathian nih Bawipa cu thihnak in a thawhter i kannih zong a ṭhawnnak cun a kan thawhter ve lai.

2 KORIN 4:11

Thih a thiammi kan pum ah hin Jesuh nunnak cu a langh khawh nakhnga Jesuh ruangah thihnak huat dengmang lengmang in khua kan sa.

2 KORIN 4:14

Bawipa Jesuh nunnak ah a thawhtertu Pathian nih khan kannih zong Jesuh sinah cun a kan thawhter lai i nanmah he a hmaika ah cun a kan luhpi lai, ti kha kan hngalh.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

GALATI 6:8

A pumsa duhnak lo ah a tuh ahcun, thihnak kha a zun lai; Thlarau lo ah a tuh ahcun, Thlarau nih zungzal nunnak kha a pek lai.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

BIAPHUAN 11:11

Ni thum le a cheu hnuah Pathian sinin nunnak petu thaw kha a ra i an chungah a lut i annih cu an dir; a hmumi vialte hna cu an thlakawk a bar hna.