ROM 8:10 - Lai (Hakha) Common Language Bible 2006

¹⁰ Sihmanhsehlaw Khrih cu nan chung i a nun ahcun sualnak ruangah nan pum cu thi hmanh hna seh law nannih cu Pathian he nan i rem cang caah Thlarau cu nan caah nunnak a si.

Laibaibal Thiang (BSI)

¹⁰ Cun Krih cu nanmah i a um ahcun, pum cu sual ruangah a thi i Thlarau tu cu dinnâk thawngin a nung.

ROM 8:10 ပူးပေါင်းရင်းမြစ်များ

LEVITIKAS 13:40

“Mipa pakhatkhat cu a sam a tlong i a lu a kolh, sihmanhsehlaw a thiang ko.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 6:54

Ka sa a ei i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.

JOHAN 6:56

Ka sa a ei i ka thi a dingmi paoh cu ka chungah an nung i kei zong an chungah ka nung ve.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

1 KORIN 15:45

Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

2 KORIN 13:5

Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u. Hneksaknak nan innak ah khan nan tluk sual dah ti lo ahcun, Khrih Jesuh cu kan chungah a um ti kha nan hngalh ko a si lo mei?

2 KORIN 4:11

Thih a thiammi kan pum ah hin Jesuh nunnak cu a langh khawh nakhnga Jesuh ruangah thihnak huat dengmang lengmang in khua kan sa.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

1THESALON 4:16

Au thawng, vancungmi bawi bik au thawng, Pathian muko aw thawng cu a hung thang lai i Bawipa hrimhrim cu vancung khin a rung ṭum lai. Khrih zumh buin a rak thimi kha nunnak ah thawhter an si hmasa lai i

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.