ROM 7:7 - Lai (Hakha) Common Language Bible 2006

⁷ A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

Laibaibal Thiang (BSI)

⁷ Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

ROM 7:7 ပူးပေါင်းရင်းမြစ်များ

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

SALM 119:96

Zei thil hmanh hi a tlingmi a um lo ti kha ka hngalh cang, asinain na nawlbia cu donghnak a ngei lo.

EXODUS 20:17

“Nan innpa inn kha nan mit a thi lai lo. A nupi siseh, a salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lai lo,” a ti.

MIKAH 2:2

Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

MATTHAI 5:28

Sihmanhsehlaw kei nih cun, ahohmanh nih nu kha sual duhnak lungthin he a zoh ahcun, cu pa cu a lung chungin a sual cang, tiah kan ti hna.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

ROM 13:9

Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih.

ROM 3:20

Nawlbia zulhnak thawngin ahohmanh Pathian hmai i thiam a co khomi an um lo. Nawlbia nih a tuahmi cu, an sualnak hngalhter kha a si ko.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 4:1

A kan hringsortu kan pu Abraham kong kha tah zeitindah kan ti kun lai. Zeitindah a rak si kha?

ROM 4:15

Nawlbia nih cun Pathian thinhunnak lawng kha a chuahpi ko; nawlbia a um lonak hmun ah cun nawlbia buar zong a um ve lo.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

ROM 7:11

Sualnak nih ṭuannak caan ṭha kha aa hmuh i nawlbia cu i hman riangmang in a ka hlen; nawlbia thawng cun sualnak nih cun a ka thah.

ROM 7:13

Cuti ti tikah cun a ṭhami nih ka thihnak a tlunter ti a si hnga maw? Si hlah. Thihnak a tluntertu cu sualnak a si. Sualnak nih cun, sualnak a sining taktak kha a langh nakhnga ṭhatnak kha i hman riangmang in ka cungah thihnak kha a tlunter. Cucaah nawlbia thawng khan sualnak a sual zia cu a lang chinchin.

ROM 7:5

Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

ROM 7:8

Nawlbia kha hmang riangmang in sualnak nih cun ka chungah mi thil mitthitnak a phunphun kha a chuahter. Zeicahtiah nawlbia um lo ahcun sualnak cu a thi ko.

1 KORIN 15:56

Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a ṭhawnnak cu Nawlbia in aa lakmi a si.

EFESA 5:3

Nannih cu Pathian mi nan si caah nu le pa sualnak le dawhcah loin khuasaknak le hakkauhnak cu a chim hmanh nan chim awk a si lo.

DEUTERONOMI 5:21

“ ‘Na innpa nupi na mit a thi lai lo; na innpa inn siseh, a lo siseh, a salpa siseh, a salnu siseh, a cawtum siseh, a laa siseh, na innpa ta a simi paohpaoh cu na mit a thi lai lo.’

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1THESALON 4:5

Pathian a hngal lomi Lawkihmi bantukin hornak ah khan a duhduh in nan umter awk a si lo.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

JOSHUA 7:21

hranchaw lakah khan Shinar puan aa dawh ngaimi le ngun shekel za hnih le sui tlang khat, shekel sawm nga a ritmi ka hmuh hna tikah ka mit an thi i ka lak hna; cun zohhmanh, ka thlam chung vawlei chungah ka thuh hna, ngun cu a tang bik ah,” tiah a ti.