ROM 7:18 - Lai (Hakha) Common Language Bible 2006

¹⁸ Ka chungah hin — ka minung sining ah hin — ṭhatnak a um lo ti kha ka hngalh. Zeicahtiah ṭhatnak tuah duhnak kha ka chungah um hmanh seh law ṭhatnak cu ka tuah kho lo.

Laibaibal Thiang (BSI)

¹⁸ Zeitintiah keimah ah (cucu ka thisa ah tinâk a si) ṭhatnâk a um lo ti kha ka hngalh; zeitintiah ṭhatnâk tuah duhnâk cu ka ngei, asinain zeitindah ṭhatnâk cu ka tuah lai ti kha a lam ka hmu lo.

ROM 7:18 ပူးပေါင်းရင်းမြစ်များ

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

JOB 25:4

A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

SALM 119:173

Na nawlbia cu ka zulh hna caah a zungzal in ka bawm ko.

SALM 119:176

Tuu tlau bantukin ka vai; cucaah ra law na sal hi ka kawl tuah, zeicahtiah na phunglam cu zeirello in ka um hna lo.

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

SALM 119:40

Nangmah cu na din caah na nawlbia zulh kha ka duh hna; ka cungah ṭhatnak tuah ko.

SALM 119:5

Na kan pekmi phunglam cu zumhawktlak tein zul kho ning law zeitluk in dik ka va lunghmuih hnga!

SALM 51:5

Sual cia in hrin ka si, ka nu nih a ka pawi ah khan, misual ka si cang.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

MATTHAI 15:19

Zeicahtiah lai a nawntertu, nu le pa sualnak a tuahtertu, thil ṭhalo dangdang a tuahtertu, a firtertu, lih a chimtertu, mi a congoihtertu ruahnak ṭhalo vialte cu a lung chungin a hung chuakmi an si.

LUKA 11:13

Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

ROM 7:15

Ka tuahmi hi a sullam ka hngal kho hna lo, zeicahtiah tuah ka duhmi kha ka tuah hna lo i tuah ka duh lomi tu kha ka tuah hna.

ROM 7:19

Tuah ka duhmi ṭhatnak kha tuah loin tuah ka duh lomi ṭhat lonak tu kha ka tuah tawn.

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

ROM 7:5

Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

FILIPI 3:12

Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

1 PETER 4:2

Cucaah atu thawk in, hi vawlei cung i nan nun chung cu, minung duhnak kha si ti loin Pathian duhnak tu kha i ukter cang u.