ROM 7:15 - Lai (Hakha) Common Language Bible 2006

¹⁵ Ka tuahmi hi a sullam ka hngal kho hna lo, zeicahtiah tuah ka duhmi kha ka tuah hna lo i tuah ka duh lomi tu kha ka tuah hna.

Laibaibal Thiang (BSI)

¹⁵ Zeitintiah ka tuahmi zong hi zei a si ka theithiam lo. Tuah ka duhmi hi, ka tuah lo i ka huatmi tu ka tuah tawn,

ROM 7:15 ပူးပေါင်းရင်းမြစ်များ

1 SIANGPAHRANG 8:46

“Annih nih na cungah an sual ahcun — zeitintiah a sual lomi minung an um lo — cun an cungah na thin a hun i ral kut chungah annih cu na chanh hna i an ral hna nih an ram ah a hlatpi ah siseh, a naite ah siseh, sal ah an kalpi hna i,

SALM 1:6

Bawipa nih miding cu an lam kha a hngalh, Sihmanhsehlaw miṭhalo cu an lam kha a rawk lai.

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

SALM 119:104

Na nawlbia in fimnak ka hmuh, cucaah ziaza ṭhalo vialte kha ka huat hna.

SALM 119:113

Na sinah zumhawktlak in a um lomi cu ka huat hna, sihmanhsehlaw kei cu na phunglam kha ka duh.

SALM 119:128

Cucaah cun na cawnpiaknak kha ka zulh hna i lam hmaanlo vialte kha ka huat hna.

SALM 119:163

Lih cu ka huat hna i ka fih hna, sihmanhsehlaw na phunglam cu ka duh.

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

SALM 119:40

Nangmah cu na din caah na nawlbia zulh kha ka duh hna; ka cungah ṭhatnak tuah ko.

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

SALM 97:10

Ṭhat lonak a huami kha Bawipa nih a dawt hna, a mi kha a huhphenh hna i miṭhalo mi pawl kut chung khan a chuah hna.

PHUNGTHLÛKBIA 13:5

Miding nih cun lihbia kha an huat; Sihmanhsehlaw miṭhalo hna rian ṭuannak cu fihnung le ningzak an si.

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

LUKA 11:48

Cucaah nanmah hrimhrim nih nan pupa hna nih an rak tuahmi nan hnatlakpi hnanak kha nan langhter; annih nih profet kha an nawn hna i nannih nih an thlan kha nan ser hna.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

ROM 14:22

Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si.

ROM 7:16

Tuah ka duh lomi ka tuah tikah hin, cu nih cun Nawlbia cu ahmaan ko ka ti ve, ti kha ka langhter.

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

JUDAS 1:23

mei chung khan chuah hna u law khamh hna u. Cun midang zong kha ṭih le hmaizah kemh hna u, sihmanhsehlaw an pumsa duhnak an nehmi puan hrimhrim kha cu hua hna u.