ROM 6:9 - Lai (Hakha) Common Language Bible 2006

⁹ Zeicahtiah Khrih cu thihnak in thawhter a si cang i a thi ti lai lo ti kha kan hngalh — thihnak nih a cungah nawl ngeihnak zeihmanh a ngei ti lo.

Laibaibal Thiang (BSI)

⁹ Krih cu thihnâk in thawhter a si i a thi ti lai lo ti kha kan hngalh. Thihnâk nih Amah cu a uk kho ti lo.

ROM 6:9 ပူးပေါင်းရင်းမြစ်များ

ROM 5:14

Asinain Adam caan in Moses caan tiang thihnak nih mi vialte kha a uk dih hna; Adam nih Pathian nawlbia a buarnak thawngin a tuahmi sualnak bantuk a tuah lomi zong kha a uk ko hna. Adam cu a ra lai dingmi hmanthlak a rak si.

ROM 6:10

A inmi thihnak cu voi khat ah za lakin sualnak ruang i a thih kha a si; cun atu i a nunmi nunnak cu Pathian ca nunnak a si.

ROM 6:14

Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.

ROM 6:4

Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.

HEBRU 7:16

Amah cu minung sermi phung le lam in tlangbawi cangmi a si lo, hrawh khawh lomi nunnak ṭhawnnak thawngin tlangbawi a cangmi a si.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.