ROM 6:23 - Lai (Hakha) Common Language Bible 2006

²³ Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

Laibaibal Thiang (BSI)

²³ Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

ROM 6:23 ပူးပေါင်းရင်းမြစ်များ

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

PHUNGTHLÛKBIA 11:19

Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

EZEKIEL 18:4

A nungmi paoh cu keimah ta an si dih, an hringtu nu le pa si hna seh, an fale si hna seh, an dihlak in ka ta an si. A sualmi paoh cu a thi ko lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

JOHAN 10:28

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

ROM 5:17

Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 6:16

Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

ROM 8:38

Zeicahtiah a kan dawtnak he cun zeihmanh nih a kan ṭhen kho lo ti kha fiang tein ka hngalh: thihnak nih siseh, nunnak nih siseh, vancung i a ummi vanmi nih si hna seh, uktu le ṭhawnnak nih si hna seh, atu caan nih siseh, hmailei caan nih siseh,

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

JEIM 1:15

Cu tikah thil ṭhalo duhnak nih cun sualnak kha a pawi i a hrin; cun sualnak cu a ṭhang i patling a si tikah thihnak kha a hrin.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.