ROM 6:14 - Lai (Hakha) Common Language Bible 2006

¹⁴ Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.

Laibaibal Thiang (BSI)

¹⁴ Zeitintiah sual nih nan cungah nawl a ngei ti lai lo, zeicatiah nawlbia tangah nan um ti lo i zângfahnâk tangah nan um cang.

ROM 6:14 ပူးပေါင်းရင်းမြစ်များ

LEVITIKAS 25:41

cun nangmah sinin amah he a fale he an chuak lai i amah innchungkhar sinah khan an kir lai i a pupa hna covo ah khan a kir lai.

MIKAH 7:19

Kan cungah zaangfahnak kha na ngei ṭhan ko rih lai i, Kan ṭhat lonak kha na ṭawl lai i kan sualnak kha a thukmi rili tawne ah na hlonh lai.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 8:36

Fapa nih nannih kha an luatter hna ahcun nannih cu nan luat taktak lai.

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

ROM 4:16

Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

ROM 5:17

Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

ROM 5:18

Cucaah cun sualnak pakhat tuahmi nih mi vialte kha sual a phawt hna bantukin dinnak pakhat tuahmi nih mi vialte kha a luatter hna i nunnak a pek hna.

ROM 6:12

Cucaah thih a hmangmi nan pum kha sualnak nih uk ti hlah seh law, pumsa duhnak kha in zulhter ti hna hlah seh.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

ROM 8:12

Cucaah ka u le ka nau hna, kan mihring sining in kan nun awk a si lo.

ROM 8:2

Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang.

GALATI 3:23

Asinain zumhnak caan kha a phak hlan cu Nawlbia nih khan thongtla bantukin a kan hren, cucu zumhnak a langh hlantiang kha a si.

GALATI 4:21

Nawlbia tang i um a duhmi kha, hi bia hi in hal hnik hna ning: Nawlbia nih a chimmi kha nan thei lo dahra?

GALATI 5:18

Thlarau nih an hruai a si ahcun Nawlbia tangah na um lo.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.