ROM 5:8 - Lai (Hakha) Common Language Bible 2006

⁸ Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

Laibaibal Thiang (BSI)

⁸ Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

ROM 5:8 ပူးပေါင်းရင်းမြစ်များ

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

JOHAN 15:13

Mi nih a hawile caah dawtnak ngan bik a ngeih khawhmi cu an ca i a nunnak pek hi a si.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 5:6

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

ROM 5:7

Mi ṭha caah cun thih ngamh zong an um phum hnga nain a dingmi ca i thih cu a harmi thil a si.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

1TIMOTE 1:16

sihmanhsehlaw hi ruang thengte ah hin Pathian nih ka cung i zaangfahnak a ngeih cu a si. Cu bantukin Pathian nih a ka zaangfah i misual mi hna lak i a sual bikmi keimah cungah Khrih Jesuh nih a lungsaunak le a thinfualnak a langhter cu, hmailei ah a hun zum i cu zumhnak thawngin zungzal nunnak a hmumi hna caah zohchunh awk siseh ti kha a duh caah a si.

HEBRU 8:3

Tlangbawi Ngan cu Pathian sin i pekmi laksawng pek le saram raithawinak pekchanh kha an rian a si bantukin, kannih kan Tlangbawi Ngan zong nih cun pekchanh awk a ngeih ve kha a herh.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.