ROM 5:17 - Lai (Hakha) Common Language Bible 2006

¹⁷ Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

Laibaibal Thiang (BSI)

¹⁷ Zeitintiah mi pakhat sual ruang hmanhah thihnâk nih a uk a si ahcun, a tlingmi zângfahnâk le dinnâk thilpêk a comi hna nih mi pakhat, Jesuh Krih thawngin nunnâk nih a uk chin chin hna lai.

ROM 5:17 ပူးပေါင်းရင်းမြစ်များ

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 3:6

Nu nih cun thingkung cu mithlang ngai a si le a thei cu mitthi ngai a si kha a hmuh tikah a fimmi si cu zeitluk in dah a nuamh hnga ti kha a ruat. Cucaah a thei cu a lawh i a ei. Cun a va zong kha tlawmpal a pek ve i a ei ve.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

ROM 5:15

Sihmanhsehlaw cu hna pahnih cu an i khat lo, zeicahtiah Pathian laksawng cu Adam sualnak bantuk kha a si lo. Kha mipa pakhat sualnak ruangah khan mi tampi an thi taktak ko. Sihmanhsehlaw kha pa ṭhat lonak nakkhan Pathian vel cu tam piin a ngan deuh i cu bantuk ṭhiamṭhiam cun mipa pakhat Jesuh Khrih vel thawngin mi tampi cungah a tlungmi Pathian laksawng cu a ngan deuh.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

ROM 6:14

Sualnak nih cun in uk hrimhrim ti hna hlah seh, zeicahtiah nawlbia tangah nan um ti ṭung lo, Pathian vel tangah pei nan um cang cu.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

1 KORIN 15:49

Vawlei in sermi mui kha kan i hruk bantukin vancung in a ra Mi cu kan i hruk lai.

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.