ROM 5:14 - Lai (Hakha) Common Language Bible 2006

¹⁴ Asinain Adam caan in Moses caan tiang thihnak nih mi vialte kha a uk dih hna; Adam nih Pathian nawlbia a buarnak thawngin a tuahmi sualnak bantuk a tuah lomi zong kha a uk ko hna. Adam cu a ra lai dingmi hmanthlak a rak si.

Laibaibal Thiang (BSI)

¹⁴ Asinain Adam thawkin Moses tiangah Adam nawlbuar bantukin sualnâk a tuah lomi hna cung zongah thihnâk nih a uk dih hna, Adam cu Ara laimi hmanthlâk a si.

ROM 5:14 ပူးပေါင်းရင်းမြစ်များ

GENESIS 19:25

Bawipa nih cun cu khua pahnih hna le cu nelrawn a dihlak le khuapi chung i a ummi vialte hna le ram chung i a khomi thil vialte hna cu a hrawh dih hna.

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

GENESIS 7:22

Vawlei cung i a ummi thilnung vialte an thi dih.

EXODUS 1:22

Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna.

EXODUS 1:6

Josef le a unau pawl vialte cu an thi dih, cu chanmi cu an dihlak in an thi dih.

HOSEA 6:7

Adam ah ka biakamnak kha an hrawh, Khika ah an ka hlen.

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

ROM 5:12

Sualnak cu mipa pakhat thawngin vawlei cungah hin a tlung i cu a sualnak nih cun thihnak kha a ratpi. Cun mi vialte cu an sual dih caah thihnak nih cun mi vialte cu a ciah dih hna.

ROM 5:17

Mipa pakhat sualnak thawngin, cu mipa ruangah cun, thihnak nih khan minung cu uk hram a hun thawk hna. Sihmanhsehlaw mipa pakhat, Jesuh Khrih tuahmi chungin a chuakmi cu zeitluk in dah a ngan deuh! Mipa pakhat thawngin thihnak cu a um a si ahcun, Pathian velngeihnak duhdim le dinnak a laksawng a hmumi vialte hna cu, mipa pakhat Jesuh Khrih thawngin thlarau nunnak a ṭhawng chinchinmi an ngei lai.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 8:20

Sermi thil vialte cu anmah duh caah si loin Pathian nih si u a ti hna thawngin santlailo pakpalawng ah an cang dih, a si nain ruahchannak cu a um zungzal ve ko.

ROM 8:22

Atu caan tiangah hin cun sermi thil vialte cu nau nganfah bantukin an hrum an ai.

1 KORIN 15:22

Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.

1 KORIN 15:45

Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.