ROM 5:11 - Lai (Hakha) Common Language Bible 2006

¹¹ Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

Laibaibal Thiang (BSI)

¹¹ Culawng a si lo, atu Amah thawngin remṭhannâk kan co hnu ah kan Bawipa Jesuh Krih thawngin Pathian zongah kan i lawm.

ROM 5:11 ပူးပေါင်းရင်းမြစ်များ

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 32:11

Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

LUKA 1:46

Mary nih aa thawh i: “Thanh tuah, ka lungthin, Bawipa lianhngannak cu.

JOHAN 1:12

Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

ROM 2:17

A si ah nannih Judah mi tah? Judah mi nan i ti; Nawlbia kha nan i bochan i nan Pathian kha nan i uang;

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 5:3

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

ROM 9:10

Cun cu lawng cu a si lo. Rebekka fapa pahnih hna zong nih khan pa pakhat lawng an ngei ko; a hringtu hna Isak kha an pa cu a si ko.

1 KORIN 10:16

Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei ṭimi hi tah: hi changreu kan ei ah hin Khrih pum kan i hrawm a si lo maw?

2 KORIN 8:19

Cun cu pinah Pathian sunparnak ding ca i kannih nih hi dawtnak rian kan ṭuannak ah hin, kan sin i tlawng ve dingin le bawmh kan in duh hna kha langhtertu dingah, khrihfabu hna nih khan amah cu an thim i an thiah.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

FILIPI 3:1

A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.