ROM 5:10 - Lai (Hakha) Common Language Bible 2006

¹⁰ Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

Laibaibal Thiang (BSI)

¹⁰ Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

ROM 5:10 ပူးပေါင်းရင်းမြစ်များ

2 CHANRELNAK 29:24

tlangbawi hna nih khan an thah hna i an thi cun Israel mi vialte ca i remnak sernak ah biakṭheng cungah khan sual thawinak an tuah. Zeitintiah siangpahrang nih khan khangh thawinak kha le sual thawinak kha Israel mi vialte caah tuah awk a si lai tiin nawl a pek hna.

EZEKIEL 45:20

Thla sarih thla ah cu bantuk ṭhiamṭhiam cun nan tuah lai i cuticun biakinn caah remnak nan ser lai.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

LEVITIKAS 6:30

Sihmanhsehlaw hmunthiang chungah remnak tuahnak ca i tonnak thlam chungah rak putmi thi an laknak sual thawinak cu, ei a si lai lo; mei in khangh a si lai.

JOHAN 14:19

Hi hnu tlawmpal ah hin vawlei nih cun a ka hmu ti lai lo, sihmanhsehlaw nannih nih cun nan ka hmuh lai; cun keimah hi ka nun lai caah nannih zong nan nung ve lai.

JOHAN 5:26

Ka Pa hrimhrim cu nunnak hram a si bantukin a Fapa hi nunnak hram ah a ka ser cang.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

JOHAN 6:57

A nungmi Pa nih keimah hi a ka thlah i ka nun hi Amah ruangah a si bantukin, keimah a ka eimi zong cu keimah ruangah a nung ve lai.

ROM 11:28

Thawngṭha kong in ti ahcun, annih cu Pathian ral an si; Thawngṭha an cohlan duh lo caah — cucu nanmah Jentail mi ṭhatnak caah a si. Sihmanhsehlaw thimnak lei in ti ahcun annih cu an pupa hna ruangah khan Pathian hawikom an si,

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

ROM 5:6

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

EFESA 2:16

Vailam cung i a thihnak in Khrih nih an i ralnak kha a hrawh; vailamtahnak cun cu miphun pahnih hna cu pum khat ah a fonh hna i Pathian sinah a kirpi ṭhan hna.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

1JOHAN 2:1

Ka fale hna, hi ca kan kuat hna cu sualnak kha nan tuah nakhnga lo caah a si; sihmanhsehlaw pakhatkhat nih sualnak nan tuah ahcun, a dingmi Jesuh Khrih, Pa sin i bia a kan chimpiaktu, kan ngei ko.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.