ROM 4:6 - Lai (Hakha) Common Language Bible 2006

⁶ Pathian nih rianṭuannak tel loin, miding bantuk ah a cohlanmipa aa lawmhnak kong David nih a chim tikah, hihi pei a sullam a chim duhmi cu a rak si cu:

Laibaibal Thiang (BSI)

⁶ Tuahsernâk tel loin, Pathian nih miding i a ruahmi hna lunglawmhnâk David nih a rak chimmi ah,

ROM 4:6 ပူးပေါင်းရင်းမြစ်များ

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

MATTHAI 25:19

“Caan saupi hnuah khin an bawipa cu a ra tlung ṭhan i an tangka hmannak kong kha felfai in a tuahpi hna.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

ROM 3:27

A si kun ahcun, kan i uan khawh awk zeital a um maw? Um hlah. Zei ruangah dah? Nawlbia kan zulh ruangah maw? Si hlah. Sihmanhsehlaw kan zumh ruangah a si.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

ROM 4:24

Jesuh kan Bawipa thihnak in a thawhtertu a zummi, miding in cohlan ding kanmah ca zongah hin ṭial a si ve.

ROM 4:5

Sihmanhsehlaw rianṭuannak si loin zumhnak tu a ngeimi nih cun, Pathian nih a sualmi cu a sual lo ah a chiah hna tiah a zumh i cu a zumhnak cu Pathian nih amah he remternak caah a lakpiakmi cu a si.

ROM 4:7

“Pathian nih an ṭhat lonak a ngaihthiam i an sualnak a khuhpiakmi hna cu an vaa lawm dah!

ROM 4:9

David nih a chimmi lunglawmhnak hi cuarpar tanmi hna ca lawngah maw a si? Si hlah. Cuarpar tan lomi hna ca zongah a si ko. “Abraham nih Pathian a zumh i cu a zumhnak ruangah cun Pathian nih miding bantukin a cohlan,” ka timi kha ka nolh rih lai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

GALATI 4:15

Nan rak i lawm tuk ko kha ta. Atu hi nan zeidah a ti? Si kho seh law cu, nan mitmu hmanh nan rak i khoih hnga i nan rak ka pek hnga. Cucu keimah hrimhrim nih ka chim ngam.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.