ROM 4:2 - Lai (Hakha) Common Language Bible 2006

² A tuahmi thil hna thawngin Pathian he remnak a hmuh a si ahcun, i porhlawt awk a ngei hnga. Sihmanhsehlaw Pathian hmaiah cun zeihmanh i uan awk a ngei lo.

Laibaibal Thiang (BSI)

² Zeitintiah Abraham kha tuahsernâk in thiamcoter a si ahcun hmaihngalpi awk a ngei lai asinain Pathian hmai ah a ngei lo.

ROM 4:2 ပူးပေါင်းရင်းမြစ်များ

GENESIS 12:18

Cu tikah Faro nih Abram cu mi kha a auhter hna i, “Zeicahdah hi bantukin ka cungah rian na ṭuan? Zeicahdah ka nupi a si tiah na ka chimh lo?

GENESIS 12:20

Faro nih a mi kha nawl a pek hna i Abram cu a nupi le a ngeihmi vialte he khan ram chung cun an dawi.

EZEKIEL 8:9

a ka ti bantukin ka khoih i mitlum ah a cang. “Vung lut law hika ah an tuahmi thil fihnung hna kha vung zoh tuah,” tiah a ka ti.

ROM 15:17

Cucaah cun Khrih Jesuh he kan i pehtlaihnak thawngin Pathian rian ka ṭuanmi cu ka hmai a hngal.

1 KORIN 1:29

Cu nih cun a fiantermi cu, Pathian hmaiah cun ahohmanh an i porhlaw kho lo, ti hi a si.

1 KORIN 1:31

Cucaah cun Cathiang nih, “Porhlawt a duhmi cu Bawipa nih a tuahmi kha i porhlawtpi ko hna seh,” a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.

1 KORIN 4:7

Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

1 KORIN 9:16

Thawngṭha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngṭha cu chim loin rak um ning law zeitluk in dik ka caah a poi hnga!

2 KORIN 11:12

Lamkaltu kan si ve, aa timi hna nih khan, anmah bantukin kan ṭuan ve, an ti khawh nakhnga lo, atu i ka tuahmi hi ka tuah lengmang ko lai

2 KORIN 11:30

Kaa porhlawt awk a herh a si ahcun zeitluk in dah a derthawmmi ka si a langhtertu kha kaa porhlaw lai.

2 KORIN 5:12

Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

GALATI 3:22

Sihmanhsehlaw nunnak pe khotu cu Nawlbia cu a si lo, Cathiang nih, vawleicung hi a dihlak in sual ṭhawnnak tangah a um, a ti; cucaah Jesuh Khrih zumhnak thawng lawngin kamhmi laksawng cu a zummi paoh kha pek an si lai.

EFESA 2:9

Hi kongah hin nan i porhlawt khawhmi zeihmanh a um lo, zeicahtiah nanmah ṭuannak thawngin nan hmuhmi a si lo.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

JOSHUA 24:2

Cun Joshua nih mi vialte cu, “Hi bangin Bawipa Israel Pathian nih a ti: ‘Hlan liopi ah cun nan pupa hna cu Zufrates tiva khattelei ral ah an rak um, Abraham le Nahor pa Terah cu; cun pathian dang kha an rak biak hna.