ROM 4:18 - Lai (Hakha) Common Language Bible 2006

¹⁸ Ruahchan ding zeihmanh a um lo zongah hnabeisei ngaiin a rak zumh ṭhiamṭhiam caah khan Cathiang nih, “Na tefa hna cu arfi zat an si lai,” tiah a ti bang khan “Miphun tampi hna pa” ah khan a cang.

Laibaibal Thiang (BSI)

¹⁸ Ruahchan ding a um lo lio zongah, i ruahchan ngaiin a zumh, cucu miphun tampi pa ah a can khawhnâk zong a si. “Khizat khin na tefa hna cu an um te lai tiah” chimh a si bantuk khan.

ROM 4:18 ပူးပေါင်းရင်းမြစ်များ

PHUNGTHLÛKBIA 13:12

Ruahchannak cu a nikhua rauhter tikah hin lung a fak, sihmanhsehlaw saduhthahmi cu a tlin tikah hin nunnak thingkung a si.

EZEKIEL 37:11

A ka thawh i, “Mipa, hi ruh hna hi Israel mi innchungkhar a ning piin an si. Annih nih an i thawh i, ‘Kan ruh cu an ro dih cang, kan nunnak hri cu a cat cang, mithi tluk ceo kan si ko cang,’ an ti.

LUKA 1:18

Zekhariah nih vancungmi cu a thawh i, “Cucu a si kho lai tiah zeitindah ka zumh khawh lai? Zeicahtiah kei cu ka tar cang i ka nupi zong a tar ve fawn,” tiah a ti.

LAMKALTU 27:25

Cucaah u le nau hna, nan lungdong hlah u. Zeicahtiah a ka chimh bantukte cun a si ko lai tiah Pathian kha ka zumh.

ROM 4:17

Zeicahtiah Cathiang nih, “ ‘Nangmah cu miphun tampi hna pa ah kan ser cang,’ a ti,” tiah a ti bantuk khan, Abraham cu kan dihlak pa a si. Cucaah hi biakamnak cu Pathian hmaiah khan a fek i cu Pathian cu a zumhmi Pathian cu a si; mithi kha a nunter i a um lomi thil a bia in a umtertu kha a si.

ROM 4:19

Abraham cu kum za khat dengmang a si cang, sihmanhsehlaw mithi bantuk a si ko cangmi a pum le Sarah nih fa a hrin khawh lonak kha a ruah tikah a zumhnak cu a der hlei lo.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

ROM 8:24

Zeicahtiah ruahchannak in pei khamh kan si cu; sihmanhsehlaw kan i ruahchanmi cu kan mit in kan hmuh ahcun, cucu ruahchannak taktak cu a si hnga lo. Mit in hmuh komi cu aho nih dah an i ruahchan bal?

HEBRU 6:19

Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.