ROM 4:16 - Lai (Hakha) Common Language Bible 2006

¹⁶ Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

Laibaibal Thiang (BSI)

¹⁶ Cucaah biakamnâk nih mi vialte a khumh khawh nâkhnga nawlbia ngeitu hna lawng si loin, kan dihlak zumhnâk pa Abraham bantuk i zumhnâk ngeitu zong a khumhchih khawh nâkhnga zumhnâk thawngin zângfahnâk i pêk a si.

ROM 4:16 ပူးပေါင်းရင်းမြစ်များ

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

LUKA 19:9

Jesuh nih a thawh i, “Nihin ah hi inn ah khamhnak a phan; hi pa zong hi Abraham tefa a si ve.

ROM 15:8

Ka chim duhmi cu hihi a si: Khrih kha Judah mi hna ṭuankan i a can cu, Pathian nih an pupa hna sinah a tuahmi biakamnak kha fehter a si nakhnga caah a si i cu nih cun Pathian nih a bia a let lo ti kha a langhter.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

ROM 4:11

A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 9:8

Cu a sullam cu, minung sining phung sawhsawh in hrinmi cu Pathian fa an si lem lo, Pathian biakamning in hrinmi lawng tefa taktak i ruahmi cu an si, tinak a si.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

GALATI 3:16

Pathian nih bia a kamhmi cu Abraham le a tefa pakhat kha an si. Cathiang nih, mi tampi ti duhnak caah, “na tefa hna,” tiin a ti lo. A timi cu, “na tefa,” ti lawng a si i cucu mi pakhat a ti duhnak a si i cu mi pakhat cu Khrih kha a si.

GALATI 3:22

Sihmanhsehlaw nunnak pe khotu cu Nawlbia cu a si lo, Cathiang nih, vawleicung hi a dihlak in sual ṭhawnnak tangah a um, a ti; cucaah Jesuh Khrih zumhnak thawng lawngin kamhmi laksawng cu a zummi paoh kha pek an si lai.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.