ROM 4:11 - Lai (Hakha) Common Language Bible 2006

¹¹ A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.

Laibaibal Thiang (BSI)

¹¹ Cuarpar tan lo i a um lioah, zumhnâk thawngin dinnâk a hmu tiah hmelchunhnâk, cuarpartan hmelchunhnâk zong a simi cu a hmuh cang; cuticun cuarpar tan lomi zong siseh miding i ruah an si khawh nâkhnga le, a zumtu vialte pa a si khawh nâkhnga,

ROM 4:11 ပူးပေါင်းရင်းမြစ်များ

GENESIS 17:24

Abraham cu cuarpartan a si ah kum sawm kua le kum kua a si i

SALM 47:9

Miphun dang hna an uktu bawi hna cu, Abraham Pathian mi hna bang khan hmunkhat ah an i pum. Ralkap vialte hna phaw cu Bawipa ta an si; amah nih zeizong vialte kha a uk dih.

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 31:13

“Israel mi cu, ‘Kaa dinh ni hi nan ulh hrimhrim lai, zeicahtiah hi ni cu nanmah le keimah, cun nan tefa le keimah karlak ah hmelchunhnak a si i cu hmelchunhnak nih a langhtermi cu Bawipa keimah nih nannih cu ka mi ca hrimhrim i kan sermi hna nan si hi a si.

EXODUS 31:17

Hi ni cu Israel mi le keimah karlak i zungzal hmunmi hmelchunhnak a si, zeicahtiah Bawipa keimah nih van le vawlei cu ni ruk chungah ka ser hna i ni sarih ni ah cun ka rian cu ka ngol i kaa din,’ a ti, tiah na chimh hna lai,” a ti.

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

EZEKIEL 20:20

ka phunglam kha nan tuah hrimhrim hna lai. Ka sabbath kha thiang tein nan ulh hna lai i nannih le keimah karlak i hmelchunhnak an si lai; cuticun keimah cu Bawipa nan Pathian ka si kha nan hngalh lai, ka ti hna.

MATTHAI 16:16

Simon Peter nih a leh i, “A Nungmi Pathian Fapa, Messiah kha na si,” tiah a ti.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

LUKA 19:9

Jesuh nih a thawh i, “Nihin ah hi inn ah khamhnak a phan; hi pa zong hi Abraham tefa a si ve.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 8:33

Annih nih, “Kannih cu Abraham tefa kan si i aho sal hmanh kan si bal lo. Cucaah nan luat lai, na ti tikah hin a sullam zeidah a si,” tiah an leh.

ROM 10:11

Cathiang nih, “Amah a zummi paoh cu ningzahnak an ing lai lo,” tiah a ti.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 10:6

Asinain zumhnak thawngin Pathian he i remnak kong ah cun hitihin ti a si: “Nangmah le nangmah cu, Ahodah vancung ah khin a hung kai lai?” i ti hlah (cu a sullam cu Khrih kha run ṭumpi awkah ti a si).

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 3:26

cun atu caan ah cun Pathian ding a si kha aa langhter i Jesuh Khrih a zummi paoh kha a luatter hna.

ROM 3:30

Pathian cu pakhat pei a si cu, Judah mi cu an zumhnak thawngin amah he cun a remter hna lai i Jentail mi zong cu an zumhnak thawng in a si ṭhiamṭhiam ve ko lai.

ROM 4:10

Cucu zeitik ah dah a rak si? Abraham kha cuarpar aa tan hlanah maw aa tan hnuah dah? Aa tan hlanah a si, aa tan hnuah a si lo.

ROM 9:30

A si ahcun zeitindah kan chim kun lai? Hitihin kan ti lai: Pathian he rem a rak i zuam lomi Jentail mi kha an zumhnak thawngin Pathian he an i rem cang;

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

ROM 9:6

Israel mi kha an dihlak in Pathian thimmi an si dih lem lo caah Pathian biakamnak cu pakpalawng ah a cang ka ti duhnak a si lo. Zeicahtiah Israel mi vialte kha Israel tefa an si lem lo,

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

GALATI 3:22

Sihmanhsehlaw nunnak pe khotu cu Nawlbia cu a si lo, Cathiang nih, vawleicung hi a dihlak in sual ṭhawnnak tangah a um, a ti; cucaah Jesuh Khrih zumhnak thawng lawngin kamhmi laksawng cu a zummi paoh kha pek an si lai.

GALATI 3:29

Cucaah Khrih ta nan si ahcun Abraham tefa nan si i Pathian biakamning in rocotu nan si.

GALATI 3:7

Cucaah cun Abraham tefa taktak cu zumhnak a ngeimi kha an si ti hi nan hngalh awk a si.

GALATI 5:5

Kannih kan i ruahchanmi cu Pathian nih kannih cu amah he a kan remter lai ti hi a si i cucu Pathian Thlarau nih zumhnak thawngin a tuahmi thil kannih nih ngangngan ngaiin kan hngahmi hi a si.

GALATI 6:16

Hi phung an nunning ah a zulmi hna cu daihnak le zaangfahnak kha an cungah um ko seh — Pathian mi dihlak cungah cun um ko seh.

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

BIAPHUAN 9:4

Ram hring siseh, thingkung siseh, ramkung siseh, hrawk hna hlah u, tiah an ti hna; an cal ah Pathian hmelchunhnak a ngei lomi lawnglawng kha nan hrawh khawh hna, ti an si.