ROM 3:4 - Lai (Hakha) Common Language Bible 2006

⁴ Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

Laibaibal Thiang (BSI)

⁴ Si naisai hlah! Pathian cu a dikmi si sehlaw, mikip hi lih chimmi si hna seh. “Nang nih Na bia in thiam na co i biaceih na si tikah na tei khawh nâkhnga,” tiah ṭialmi bang khan.

ROM 3:4 ပူးပေါင်းရင်းမြစ်များ

JOB 36:3

A ka Sertu a ding tinak kha ka chim tikah hin Ka bia bawmtu hi lamhlat piin ka va khawmh hna lai.

JOB 40:8

Nangmah cu na ding lo na ka ti ngam lai maw? Asiloah, nangmah cu na din nakhnga keimah cu na palh na ka ti lai maw?

SALM 100:5

Bawipa cu a ṭha; a fekmi a dawtnak cu zungzal in a hmun, zumhawktlak a sinak cu chan vialte tiangin a hmun.

SALM 116:11

Ka thin a phan tuk cang i, “Ahohmanh bochan awk tlak an um lo,” ka ti lio zongah, ka zumh peng ṭhiamṭhiam ko.

SALM 119:160

Na phunglam a chung muru cu biatak a si, a dingmi na nawlbia vialte cu zungzal in an hmun.

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

MATTHAI 11:19

Mi Fapa cu a ra ve i a ei a ding i a mi kip nih, ‘Hi pa hi zohhmanh u, misaram le mizuram, ngunkhuai khawltu hna le misual hna hawikom hi,’ an ti. Sihmanhsehlaw Pathian fimnak cu ahmaan tiah a theitlai nih khan a langhter ko,” a ti.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

ROM 11:1

A si kun ahcun, Pathian nih a mi cu a hlawt hna a si maw? Si hrimhrim hlah. Keimah zong hi Israel mi, Abraham tefa, Benjamin phun chungmi ka si.

ROM 11:11

Judah mi cu an rilh tikah an rawk taktak maw? Rawk taktak hlah. An sual caah cun pei khamhnak cu Jentail mi sin a phak cu, Judah mi nahchuahter awkah cun.

ROM 3:31

Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

ROM 6:15

A si kun ahcun zeitin? Nawlbia tangah um ti loin Pathian vel tangah kan um cang caah kan sual awk a si lai maw? Si hrimhrim hlah.

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

ROM 7:13

Cuti ti tikah cun a ṭhami nih ka thihnak a tlunter ti a si hnga maw? Si hlah. Thihnak a tluntertu cu sualnak a si. Sualnak nih cun, sualnak a sining taktak kha a langh nakhnga ṭhatnak kha i hman riangmang in ka cungah thihnak kha a tlunter. Cucaah nawlbia thawng khan sualnak a sual zia cu a lang chinchin.

ROM 7:7

A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

ROM 9:14

A si ahcun Pathian cu a ding lo kan ti kho lai maw? Ti kho hlah.

1 KORIN 6:15

Nan pum cu Khrih pum a ṭengnge a si kha nan hngalh. Khrih pum a ṭengnge cu i lak riangmang in hlawhhlangnu pum a ṭengnge ah cun ka ser hnga maw? Naisai hlah!

2 KORIN 1:18

Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

GALATI 2:17

Cu bantukin, Khrih he kan i pehtlaihnak thawngin Pathian he i rem awk kan i zuam tikah, Jentail mi tlukin misual kan rak si ve ti kha a lang — cu ti chimmi nih cun Khrih zong kha sualnak tuah ah aa tel ve a ti duhnak a si maw? Si hrimhrim hlah!

GALATI 2:21

Pathian vel cu pakpalawng ah ka ser lai lo. Minung le Pathian i remnak cu Nawlbia thawngin a si ahcun, Khrih cu pakpalawng ah a thi tinak a si hnga.

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.