ROM 3:31 - Lai (Hakha) Common Language Bible 2006

³¹ Cu ti kan ti tikah cun Nawlbia kha zumhnak in kan hlawt tinak a si maw? Si hrimhrim hlah, Nawlbia cu kan dirhṭhoh lehlam a si.

Laibaibal Thiang (BSI)

³¹ Asiah, zumhnâk ruangah nawlbia cu zeihmanhlo ah kan canter maw? Canter naisai hlah! Nawlbia kha kan fehter leh lam.

ROM 3:31 ပူးပေါင်းရင်းမြစ်များ

SALM 119:126

Mi nih na phunglam kha an zulh duh ti lo caah atu caan hi na cawlcangh caan a si awk a hau.

SALM 40:8

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

ISAIAH 42:21

Bawipa cu mi khamh a duhmi Pathian a si, cucaah a cawnpiaknak kha upat hna seh, ti a duh.

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

MATTHAI 5:17

“Moses Nawlbia hna le profet hna cawnpiaknak kha hrawh awkah a ra, tiah ka ruat hlah u. Annih kha hrawh awkah si loin, an cawnpiaknak kha tlinter awk tu ah ka ra.

MATTHAI 5:20

Cucaah Pathian nih tuah hna seh, ti an duhmi hna tuahnak ah, Phungbia cawnpiaktu saya hna le Farasi mi hna nakin nan fel deuh lo ahcun, Vancung Pennak chungah cun nan lut kho lai lo.

LUKA 20:16

Amah cu a ra lai i cu hna cu a thah hna lai i dum cu midang kha a zohter hna lai,” tiah a ti. Cucu mizapi nih khan an theih tikah, “Si sawh hlah seh,” an ti.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 2:20

a hrutmi cawnpiaktu le a nomi hna saya kan si nan ti; cun Nawlbia chungah hin hngalhnak le biatak cu tling tein kan hmuh nan ti.

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 3:6

Si hrimhrim hlah. Pathian cu a din lo ahcun, zeitindah vawlei cu bia a ceih khawh lai?

ROM 4:14

Zeicahtiah Nawlbia a zulmi lawng kha rocotu cu an si ahcun zumhnak cu pakpalawng a si ko hnga i biakamhmi thil cu pakpalawng men a si ko hnga,

ROM 7:22

Ka chunglei mi cu Pathian phung ah khan aa lawm;

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

ROM 8:4

Pathian nih hihi zeicahdah a tuah ti ahcun, minung kan sining zulh in si loin Thlarau hruainak zulh in a nungmi kan nunning ah hin Nawlbia cu; tuah u, tiah a timi vialte ah khan a lungawih a si nakhnga caah a si.

1 KORIN 9:21

Cu bantuk ṭhiamṭhiam in Judah mi hna phung leng i a ummi Jentail mi hna sin i ka ṭuan tikah Jentail mi cu ka lak khawh hna nakhnga Jentail mi bantukin ka um. Cuti ti tikah Pathian nawlbia kha ka zul lo tinak a si lo, a ngaingai ti ahcun Khrih nawlbia tangah pei ka um cu.

GALATI 2:19

Asinain Nawlbia kong ti ahcun, kei cu a thimi ka si ko cang — Nawlbia nih khan a rak ka thah cang — cucu zeicahdah a si ti ahcun Pathian ca i ka nun khawh nakhnga caah a rak si. Kei cu Khrih he a vailam tahnak ah khan thah ka si cang

GALATI 2:21

Pathian vel cu pakpalawng ah ka ser lai lo. Minung le Pathian i remnak cu Nawlbia thawngin a si ahcun, Khrih cu pakpalawng ah a thi tinak a si hnga.